Kamis, 28 Mei 2015

apoio Liderana Komúnitariu bá Programa Nasional Dezemvolvimentu Suco


TEZE : LEO
HOSI : DEZENVOLVIMENTU KOMUNITARIU
FAKULDADE CIENSIA SOSIAIS (F.C.S)
UNIVERSIDADE NASIONAL TIMOR LOROSA'E

KAPÍTULU I 
INTRODUSAUN
1.1.Enquadramento.
Governu no komunidade Timor-Leste agora dadaun iha prosesu dezemvolvimentu, esforsa.an atu atinji objetivu nasional, hanesan atinji komunidade nia moris diak no moris ida ne’ebé bele fóbalansu ba sidadaun hotu-hotu 
Tuir statistika Timor-Leste maioria komunidade 75-80 % moris iha suco husi total populasaun : husi asuntu ida ne’e bele determina katak suco iha potensia ne’ebe inportante iha area agrikultura no trabalador. Aleñde ne’e suco hanesan unidade kiik ba forma komunidade iha Timor-Leste tamba komúnidade iha suco iha tradisaun, adat no kustumi, i relativa indenpendente involvimentu husi parte seluk.
Hasa’e vida moris komunidade ne’ebé hela iha suco, tuir lolos hala’o tiha ona husi governasaun uluk, ne’ebé kobre ba area sira hanesan edukasaun, saude, programa planeamentu familiar, no sira seluk tan.
Atu prevene asuntu refere hodi lao ho diak, persija knaar no rensponsabilidade ativu husi lideransa komunitariu atu hadi’a, tamba lideransa komunitariu iha knaar no rensponsabilidade apoiu asuntu governasaun, dezenvolvimentu, ekonomia, seguransa bá ninian komunidade rasik, hodi atinji suco ne’ebé dezenvolvidu.[1]
Programa Nasionál Dezemvolvimentu Suco tuir rezulusan governo nú.1/2012 loron 25 janeiru 2012 ho pólitika ida estabelese mekanismu nasional ida hodi halais dezemvolvimentu komunitaria iha suco sira iha teritoriu laran tomak, sei hahu implementa iha inisiu tinan 2014 ne’e.
Tuir planu governu nian, PNDS ne’e sei hakbiit komunidade rural tanba sei fó oportunidade bá komunidade suco iha area rural sira atu involve no partisipa direita iha prosesu planeamentu, implementasaun no monitorizasaun bá projetu sira ne’ebé komunidade rasik mak defini no deside.
Objetivu PNDS nian, tuir governu atu hadi’a kondisaun sosiu ekonomiku no governasaun lokal liuhusi infrastrutura ne’ebé jere husi komunidade rasik hanesan ponte, luron tama ba suco, bee mós, irigasaun, merkadu, sintina públiku, sentru komunidade, rehabilitasaun postu saude, eskola no seluk-seluktan.[2]
Tuir artigu 16. Husi Lei n.3/2009, husi loron 8 fulan Jullu konabá lideransas komunitárias nia eleisaun konfere bá kompeténsia governu hodi fornese rekursus umanus no finanseirus bá suco sira no hare’e  hodi  garante katak funsionamentu sei la’o ho dia’k no dezenvolvimentu  bá Ministériu Administrasaun Estatal no Administrasaun Teritóriu ho kompeténsia atu fómontante ne’ebé sei fahe ba suco sira.[3]
Bazeia bá dekreto lei konabá zere insentivus ba zere fundu  administrasaun suco, aldeias, no pesoal apoiu do sucoiha leten katak  ho programa PNDS ne’e, komunidade iha suco aldeia, presija planu bá dezenvolvimentu ida ne’ebé periodade, entaun komunidade bele halo planu, bioaiki i konstrui, sekarik osan la to’o, komunidade bele halo etapa por etapa, depende ba lideransa komunitariu, tamba lideransa komunitariu iha rensponsabilidade maksimu bá PNDS, lideransa komunitariu servisu ho ekipa ne’ebé iha.ne’e sei bele garantia katak ezekusan orsamentu ne’e sei lao ho diak no transparaente.
Preparasaun Planu Nasional Dezenvolvimento Suco durante tinan ida ne’e garantidu katak planu ezekuasaun bá osamentu ne’ebé implementa sei garantidu bá dezenvolvimentu, iha tinan 2013 PNDS fahe ba faze 3, suco 442 ne’ebé ke suco hotu-hotu  sei hetan osan, konta bankaria kada suco loke ona, brankas mós governu sosa tau ona iha sukus, lideransa komunitariu forma ho ninia ekipa ida, ne’ebé treinadu husi parte finansas, ema nain tolu mak sei asina, wainhira hatama rekejitu hodi foti osan. Lideransa komunitariu mak sei rensponsabilija maksimu ba orsamentu ida ne’e.
Tuir informasaun ne’ebé mak hakerek nain hetan kataksuco ladun kolabora ho ekipa ne’ebé iha, tamba ne’e mak implementasaun lao ladun diak, osan ne’ebé ho montante $50.000.00bá leten, se la prepara ho diak, ne’e sei fó ameasa bo’ot ba lideransa komunitariu, atu hodi evita lideransa komunitariu sai hanesan Decision Making(Halo Desizaun), ne’e mak governu forma ekipa atu ezekuta osan ne’ebé mak aloka ba programa nasional dezenvolvimetu suku. Sekarik lalaok husi programa PNDS ne’ebé  mensiona iha leten mak lao lá tuir matadalan ka giaun ne’ebé halo tiha ona, i aprovadu ona iha Conselhu Ministru, ne’e sei  sujeitu ba auditoria husi Ministerio Estatal konabá lalaok ezekusaun orsamentu.
Orsamnetu ne’ebé alokadu mais ou menus 100 pursentu, husi parte governu to’o agora sedauk simu relatoriu no kestaunrumakonabá failansu iha ezekusan PNDS, maibé observasaun rasik husi governante ba sucobalun observa katak obra ne’ebé hala’o ona husi suco balun lao diak teb-tebes, sai duni hanesan mata dalan ba governo.[4]
Suco Lissapat hanesan suco ida ne’ebé eziste iha distrito Ermera sub distrito Hatolia, dezenvolvimentu ne’ebé durante ne’e lao iha suco Lissapat tuir hakerek nain observa katak, apoiu husi lideransa komúnitariu ne’ebé sempre halao kolaborasaun hokomunidade sira wainhira implementa programa ruma iha komunidade laran. Iha parte seluk durantene’e apoiu lideransa komúnitariu ne’e lao ladun efetivu, tamba problemas ne’ebé komunidade sira hasoru pendente hela deit, lideransa komúnitariu la hato’o bá parte relevante.
Apoiu lideransa komunitariu bá programa nasional dezenvolvimentu suco,  ne’e hanesan apoiu ida ne’ebé lideransa komúnitariu asumi hodi hala’o dezenvolvimentu iha sucorelasiona ho programa nasional dezenvolvimentu suco ne’ebé agora dadauk governu implementa iha suco hotu-hotu, atu garantia katak programa nasional dezemvovimentu suco ne’e lao ho diak, persija apoiu ida ne’ebé ativu husi lideransa komunitariu hodi fó suporta, bá implementasaun programa nasional dezenvolvimentu suco ne’e rasik, maibé realidade hatudu katak iha sucoLissapat lideransa komúnitariu pasivu ou ladun ativu  iha implementasaun programa nasional dezemvolvimentu suco
Bazeia ba problematiku iha leten ne’e mak motiva hakerek nain hodi hili topiku konabá programa nasional dezenvolvimentu suco, tamba programa nasional dezenvolvimentu suco hanesan poltika v governu konstitusional ne’ebé hakarak kria dezenvolvimentu iha suco hotu-hotu, no fórensponsabilidade maksimu bá lideransa komunitariu hodi apoiu bá programa nasional dezenvolvimentu suco.
1.2. Formulasaun Problema.
     Bazeia ba enquadramentoproblema iha leten, hakerek nain bele halo formulasaun problema hanesan; Oinsa apoio Liderana Komúnitariu bá Programa Nasional Dezemvolvimentu Suco?
1.3. Objetivu Peskiza
Ida ne’ebé sai objetivu husi peskiza hanesan tuir mai ne’e:
1.      Atu deskreve konabá apoio lideransa komúnitariu bá programa  nasional dezenvolvimentu suco.
2.      Atu deskreve konabá programa nasional dezenvolvimentu suco.
1.4. Benéfisiu Peskiza.
a.       Benéfisiu teoritíku:
1.      Atu rezultadu husi peskiza ida ne’e, bele fó input bá Governu, ho parte hotu ne’eb”e relevante hodi tau atensaun bá programa nasional dezenvolvimentu suco
2.      Hanesan material i informasaun ida bá peskizador seluk, atu peskiza problema ne’ebé hanesan ho fatin peskiza ne’ebé diferente.
b.      Benéfisiu Prátika.
1.      Peskiza ida ne’e bele sai hanesan alternativu ida ba governu no parte hotu-hotu ne’ebé relevante, hodi rezolve problema-problema sira ne’ebé mak komunidade sira hasoru, spesialmente konabá planu nasional dezenvolvimentu suco.
2.      Atu aumenta kuñesementu husi hakerek nain, iha hakerek monografia.
3.      Hanesan kriteria ida hodi halo hotu studu licenciatura iha departamentu dezenvolvimentu comunitariu.
1.5.  Sistematika Hakerek.
Iha sistematika redasaun ida ne’e sei komentariu konaba kazu-kazu ne’ebé atu halao verifika husi hakerek nain ida ne’ebé mak sei deskritu tuir mai ne’e:
KAPITULU I; Introdusaun,enquadramento formulasaun problema, objetivu peskiza, benefisu no utilizasaun peskiza, kapítulu ida ne’e esensialmente presupostus bazikus konabá problemas ne’ebé mak atu halao peskiza bá.
KAPITULU II; Review literatura, esensialmente iha kapitulu ida ne’e kolia konaba asumsaun bá formulasaun teoria-teoria ida ne’ebé sai baze bá peskiza.
KAPITULU III;Metodolojia peskiza hanesan peskiza kualitativu ida ne’ebé mak inklui teknika foti sample, teknika halibur dadus, teknika analiza dadus.
KAPÍTULU II
REVIEW LITERATURA
2.1.   Lideransa Komúnitariu
Mangunharjana(2006:11) hateten katak lideransa (leader)mai husi abut liafuan to leadkonte signifika;bokan uluk liu, la’o iha oin, foti pasu primeiru, hala’o uluk liu, pioneriu,hanoin diresionadu,opiniaun, attitude ema seluk, orienta, konduzir, fó bokan ema seluk liu husi ninian influensia.
Tuir (Gary Yukl, 2001:8 hatete“Lideransa hanesan prosesu atu influensia ema seluk atu komproende no asieta ho saida mak persija atu hala’o ho efetivu,  no mós prosesu atu fasilita esforsu individu ho kolektivu atu atinji hamutk objetivu”. Bazeia ba kompriensaun ne’e katak lideransa hanesan unidade servisu katak oinsa fo bokan ema seluk hanesan; pessoal ho funsionáriu lideransa nian, hakarak hala’o funsaun ho knaar.
Aleñde ne’e Koortz,dkk(dalamKamars,2000:164)“leadershipas influence, thearta of processo finfluencing people so that will strive willing ly and enthusiastically to ward the achievement of grup”.Iha lian tetum cignifika katak:: lideransa hanesan influensia, arte ou prosesu prosesu influensia ema atu nune’e sira hakarak servisu hamutuk ho voluntariu ho espiritu bá diresaun hodi atinji objetivus grupu.
Bazeia bá definisaun iha leten, bele halo konkluzaun katak lideransa refere kobre elementu tolu hanesan: (1) lideransa hanesan konseptu ida relasaun (relationkonsep), lideransa só iha prosesu relasaun ho ema seluk (seguidores) signifika se la iha seguido maka lideransa laiha.(2) lideransa hanesan prosesu ida, oinsa bele lidera tenki hala’o buat ida bazeia bá objetivu ne’ebé persija atinji.(3) lideransa tenki hamaus ema seluk.
Hakerek nain fó definisaun lideransa katak kada attitude ne’ebé hala’o husi individu ou grupu atu koordena ho oferese diresaun bá individu ou grupu seluk ne’ebe involvidu, atu atinji objeitivu ne’ebé determina antes ona. Lideransa hanesan kada funsaun manajemntu ida ne’ebé inportante teb-tebes iha esforsu atinji objetivu.
Lideransa komúnitariu hanesan ema ne’ebé hetan fiar atu rensponsabilija programa no atividades ne’ebé mak lao iha nian komunidade laran, atividades sira ne’e persija kolaborasaun entre komúnidade ho lideransa, i lideransa komúnitariu tenki rona no hatene dezafius saida mak ninian komúnidade infrenta, kria komunikasaun ida ne’ebé diak entre lideransa ho komunidade, hodi identifika problemas ne’ebé mak komúnidade hasoru, tau iha ajenda ne’ebé periodade hodi deskute no hato’o dezafius sira ne’ebé mak komúnidade hasoru ba parte relevante.
DEFINISAUN  LIDERANSA KOMUNITARIO TUIR KONSTITUISAUN  ORGAUN KOLEKTIVO
·          lidera  governasaun  bazeia ba desijaun  ne’ebe  deside  hamutuk  tuir conselhos suco
·          hato regulamento  suco
·          hatur  regulamento  suco  ne’ebe hetan  konkordansaun  husi  conselho do suco
·         hatu,ur  no hato regulamento  suco  kona ba  orsamento  suco, atu halo  diskusaun  no  konkorda  entre conselho suco                                                             
·         orienta komunidade  suco nian
·         orienta  ekonomia  suco
·         reprejenta  suco  iha laran ou liur  husi justisa  no bele  hatudu  legalidade  justisa  tuir konstituisaun  rdtl                
·         asegura  ambiente nebe’e diak  entre komunidade
·         halao servisu hamutuk  entre  parseiru  sirs  hotu  iha suco
·         responsabilidade ba orsamento suco
2.2.   Dezenvolvimento.
          Teoria dezenvolvimentu tuir siensias sosiais nian fahe ba paradigma rua ne’ebe boot mak hanesan modernizasaun ho dependensia,[5]
Paradigma modernizasaun akumula teoria-teoria makro konaba progreisu ekonomia no mudansa sosial no teoria-teoria mikro konaba valor-valor individu ne’ebe inkluia prosesu mudansa. Paradigma dependensia akumula teoria-teoria antesdentes (under-development) dependensia (dependent development) no sistema mundo (world system theory) tuir klasifikasaun Larrain (1994). Iha parte seluk Tikson fahe ba klasifikasaun dezenvolvimentu tolu, hanesan modernizasaun, antesdentes ho dependensia. Husi paradigma oi-oin refere ida ne’e mak hamosu versaun konaba komprensaun hsui dezenvolvimentu ne’e rasik..
Komprensaun dezenvolvimentu parese sai hanesan asuntu ne’ebe interesante liuatu debate. Parese sei laiha disiplina siensias ida ne’ebe diak liu atu fo signifika konaba liafuan dezenvolvimentu.Too agora husi parte konaba dezenvolvimentu mudansa tiha ona, komesa husi perspektiva klasiku (Durkheim, Weber, dan Marx), perspetiva Marxis, modernizasaun tuir Rostow, struturalisme hamutuk ho modernizsaun hariku konaba dezenvolvimentu sosial, too dezenvolvimentu sustentabilidade. Maibe iha tema-tema ne’ebe spesifiku sai mensajen iha nian laral. Iha asuntu ida ne’e, dezenvolvimentu ho niansignifika hanesan; esforsu an ida ne’ebe organizadu hodi kria alternativu ida ne’ebe barak liu no validu ba komunidade atu hato’o ninian aspirasaun ida ne’ebe humanu liu.
Konabá komprensaun dezenvolvimentu, husi Peritus fó ninian defenisaun ne’ebe oin-oin hanesan asuntu planeamentu ida. Dezenvolvimentu ne’e rasik signifika katak difrensia husi ema ida ba ema seluk, zona ida ho zona sira seluk, nasaun ida ho nasaun sira seluk.  Miabe tuir kontekstu jeral iha konkordansia ida katak dezenvolvimentu hanesan prosesu atu halao mudansa.
Siagian (1994) fo komprensaun kona dezenvolvimentu hanesan;
“Esforsu ida  ou sub pakote ida ne’ebé hamoris mudansa ida ne’ebé planeadu halao tuir mautoridade nasaun ida, estadu ho governu, ba modernizasaun atu orienta nasaun, (nation building)”. Maibé Ginanjar Kartasas­mita (1994) fó ninian komprensaun ne’ebé simples liu hanesan, “prosesu mudansa ida ba parte ne’ebé diak liu, tuir esforsu ne’ebé hala’o bazeia ba planeamentu”
Dezenvolvimentu (development) hanesan prosesu mudansa ida ne’ebé akumula sistema sosial hotu, hanesan politika, ekonomia, infrastrutura, defeza, edukasaun no teknolojia, intituisaun, no kultura. (Alexander 1994). Portes (1976) fó ninian defenisaun dezenvolvimentu hanesan transformasaun ekonomia sosial no kultura
2.3.    Dezenvolvimentu Suco.
Dezenvolvimentu komunidade suco hanesan esforsu ne’ebé hala’o bazeia bá planeamentu ne’ebé sustentavel atu atinji komunidade suco iha dezenvolvimentu, hanesan ( mudansa ba moris, attitude husi hanoin ne’ebé tradisional, sai bá hanoin ne’ebé modernu), suco hanesan area otonom bazea ba kustumi ne’ebé eziste.
Ihateoria dezenvolvimentu suco husiRondinelli ne’e hanesan benefisiu husi rezultadu dezenvolvimentu ou hadiak fasilidade dalan suco atu kria ou hadiak kondisaun komunidade suco. Ho iha dezenvolvementu fasilidade dalan, komunidade bele utiliza dalan refere ho nesesidade oi-oin ne’ebé sira persija, hanesan hala’o mobilidade, bazar ba rezultadu husi agrikultor, fasil atu tula produtu lokal no seluk-seluktan.
Dezenvolvimentu suco, laos asuntu ne’ebé foun iha Timor-Leste, ho objetivu atu halakon pobreza no hasa’e bem estar komunidade suco. Iha projetus ne’ebé hala’o husi governu iha komunidade, iha projetu ida ne’e konseptu  dezenvolvimentu husi PNDS bele benefisia bá komunidade suco. Rezultadu husi dezenvolvimentu suco hanesan dezenvolvimentu fiziku ne’ebé hala’o dadaun ne’e  bele sente husi komunidade, laos ba deit grupus refere ne’ebé sente rezultadu husi projetu .
Hare ba konseptu dezenvolvimentu suco hanesan strategia dezenvolvimentu hanesan progreisu ne’ebé kontinuasaun husi strategia dezenvolvimentu suco iha dezenvolvimentu suco implementa esforsos ne’ebé intensivu ho objetivu no fó foku bá grupus ou area liu husi hato’o atendementu, ajudasaun bá komunidade suco.
Suco hanesan forma governasaun kiik iha nasaun ida. Luan zona rasik husi suco baibain ladun luan no hela husi ema lubun ne’ebé husi xefe de familia. Maioria  ninian populasaun servisu iha area agraria no nivel edukasaun mos kiik. Tamba total populasaun ladun barak, maka baibain relasaun entre komunidade ne’ebe iha  forte teb-tebes. Komunidade mos sei fiar no kaer metin kultura adat no tradisaun ne’ebé avon no beiala sira husik hela ba sira.
Alende ne’e Koentjaraningrat fó komprensaun konabá Suco liu husi komprensaun komunidade iha tipu rua, hanesan komunidade bo’ot ( Hanesan: Sidade, nasaun seluk, nasaun ) no komunidade kiik (hanesan: band, suku, respeitu vizinu no seluk tan). Iha asuntu ida ne’e Koentjaraningrat define suco hanesan “komunidade kiik ne’ebé hela permanente iha fatin refere. Koentjaraningrat la fó persuasaun katak komunidade suco tuir spesifiku depende ba setór agrikultura. Ho liafuan seluk signifika katak komunidade suco hanesan komunidade kiik ne’e bele mos iha ninia atividades ekonomia ne’ebe barak, laos deit iha seitor agrikultura.
Iha parte seluk tuir Paul H. Landis ema ne’ebe lisensiadu iha area sosiolojia husi Estadus Unidos, fó definisaun konabá suco ho maneira halao pilar tolu bazeia ba objetivus analizsaun. Ba analizasaun estatistika, suco defini hanesan ambiente ida ho nia populasaun menus husi 2500 pesoas. Ba objetivu analizasaun sosial-psikolojia, suco define hanesan ambiente ida  ho ninia populasaun ne’ebe iha relasaun diak no informal entre komunidade. Alende ba objetivu analizasaun ekonomia, suco defini hanesan ambiente ida ho ninia populasaun ne’ebé depende ba agrikultura.[6]
Dezenvolvimentu komunidade suco hanesan esforso ne’ebé hala’o bazeia bá planeamentu ne’ebé sustentavel atu atinji komunidade suco iha dezenvolvimentu,Suco hanesan forma governasaun kiik iha nasaun ida. Luan zona rasik husi suco baibain ladun luan no hela husi ema lubun ne’ebé husi xefe de familia.
2.4.   Knaar no Papel.
      Konabá liafuan papel, Drs.Yulius S. ho ninian kolegas fó signifikasaun ba papel hanesan “Rensponsabilida ida nebee prinsipal atu hala’o dever no papel husi ema ida”
      Tuir W. J. S. Poerwadarminta defini papel hanesan:
“Nivel ida ne’ebé definidu no esperá bá ema ida iha komunidade ou papel katak parte husi knar prinsipal ne’ebé tengkiser hala’o[7]
      Enkuantu husi departemen pendidikan dan kebudayaan formula papel hanesan”atitude ida ne’ebé hala’o husi ema ida iha eventu ida.”[8]
      Tuir Thibaut ho Kelly,hateten papel hanesan:
“Padroes husi komportamentu ida ne’ebé esperá husi ema ida bá ema seluk sekarik nia hala’o interaksaun ho sira.[9]
      I depois tuir Robert M.Z. iha ninan livru Pengantar Sosiologi hateten katak: papel ema ida nian iha komúnidade kobré uituan liu konte koisas rua hanesan:1). Papel hanesan konseptu ida ne’ebé hala’o husi individu iha komúnidade hanesan organizasaun ida. 2). Papel mós signifika hahalok individu ne’ebé inportante iha strutura sosial.peranan juga berarti perilaku individu yang penting bagi struktur [10]
            Bazeia bá opinioês iha leten hakerek nain bele kompriende katak papel signifika hanesan padroês husi knaar no dever husi ema ida ou grupu ida, atu hala’o servisu ida, aleñde iha zona ida, ou hala’o mós iha organizsaun ida nia laran, ho meta hodi atinji objetivu. 
2.2.Programa Nasional Dezenvolvimentu Suco (PNDS).
Programa husi V Governo konstitusional hare no fó kontinuasaun bá programa inisius husi IV governo konstitusional ho nia planu estrategiku bá dezenvolvimentu Nasional (2011-2030), ne’ebé forma husi segment konabá Resolusaun do Governo no 1/2012, loron 25 fulan Janeiro, ne,ebé kria komisaun konabá kordenasaun interministerial para hodi koordena, monitoriza no avalia iha implementasaun mekánismu nasional hodi aselera dezenvolvimentu komúnitariu, i no mos Grupo apoiu Técnico de Trabalho Interministerial.
Inisiativa ida ne’e traduz ba vontade pólitika atu estabelese ligasaun maior governo ho suco, atu kompleta diferente planu dezenvolvimento. Konkretizandu hanesan forma ida, objetivu governo nian, no mos quadro strategia ida ba dezenvolvimento sustentavel, promosaun ba bem star social e ekonomiku no mos kualidade vida populasaun i promosaun husi koesaun ekonomika e sosial, atraves husi partisipasaun husi komunidade no propriu bá dezenvolvimento.
Kumprimentu ida ne’e iha finalidades justifika hodi apoiu finanseiru bá parte governo no intedades hodi presta ba servisus interese jeral nian, iha kontekstu ida ne’e kria rejime jeral bá Programa Nacional Desenvolvimento Sucos (PNDS) ho durasaun inisial tinan wualu no investimentu estimadu $USD 300 milhõesde dólares. Iha tinan primeiro iha implementasaun kada suco simu subsidiu husi governu ho montante orsamentu  $USD 50 000, hodi bele iha poder ba progresivamente, i aumenta tan tinan subsekentes to’o montante médiu de $USD 75 000.Subsidiu ne’e rasik direitamente fó ba sucos para ezekuta projetus no infrastruturas, no teknikamente identifika projetu ne’ebé periodade husi komunidade local.
Governo, através do Ministério da Administração Estatal iha
rensponsabilidade fo formasaun inisial bá ekipa de profesionais no forma permiti ninian adekuada intervensaun iha implementasaun rejime jeral husi programa, alende rensponsabbilija, liu husi Secretariado Técnico de Apoio aoPrograma Nacional de Desenvolvimento dos Sucos, husi ninian supervizaun no akompañamento.[11]
Programa ne’ebé mak PNDS hala’o maka programa fiziku ou infrastrutura ne’ebé jere husi komunidade rasik hanesan ponte, luron tama ba suco, bee mós, irigasaun, merkadu, sintina públiku, sentru komunidade, rehabilitasaun postu saude, eskola no seluk-seluktan. Programa sira ne’e hetan involvimentu direita husi komúnidade hodi identifika sira nian problema rasik no implementa iha sira nian suco laran. Apoiu lideransa komúnitariu hanesan autór ba implementasaun programa nasional dezenvolvimento suco.



KAPÍTULU III
METODOLOJIA PESKIZA
3.1.Metodo Peskiza.
Iha peskiza ida ne’e hakerek nain utiliza metodu deskritivu kulaitativu ho
tipu estudu evaluative. Tamba peskiza ida ne’e uja metodu deskritivu kualitativu utiliza atu prodús teoria ne’ebé mai husi dadus laos husi testu hipotesa hanesan iha aproximasaun hipotesa. Ho utiliza metodu kulaitativu refere peskizador bele deskreve hotu knaar lideransa komúnitariu hodi apoio bá program nasional dezenvolvimentu suku ho forma liafuan.
3.2.      Fókus de Peskiza.
Peskiza ida ne’e foti fóku konabá knaar lideransa komúnitariu hodi apoiu bá program nasional dezenvolvimentu suku. Ho tipu peskiza ne’ebé utilizadu hanesan aproximasaun kualitativu, tamba peskiza ida ne’e ho objetivu atu deskreve konabá oinsa knaar lideransa komúnitariu hodi apoiu bá programa nasional dezenvolvimentu suku.





Save Informantes.
Sample ne’ebe utiliza iha peskiza ida ne’e hanesan sample ho (purposive sampling)”iha ne’ebé respondente foti bazeia bá konsiderasaun kunesementu husi informasaun peskiza.[12]
Ho ida ne’e respondentes iha peskiza ida ne’e sei determina hanesan tuir mai ne’e; 
1.      Xefe do Suco Lisspat 1 pesoas.
2.      Xefe Aldeia. 6 pesoas
3.      Lia Nain 1 pesoas
4.      Konselu suco 1 pesoas
5.      Komúnidade 4 pesoas
  Total respondente: 12 pesoas
Rajaun hili ema sira ne’e, tamba liu husi ema sira sei sai hanesan respondent hodi fo informasaun ne’ebé relasiona ho lideransa komunitariu ne’ebe apoiu ba programa nasional dezenvolvimento suco.
3.3.      Fatin Peskiza.
Fatin peskiza ne’ebé ida ne’e mak suku Lesupat Sub Distritu Hatolia Distritu Ermera. Tamba hakerek nain hatene katak knaar lideransa komúnitariu hodi apoiu bá programa nasional dezenvolvimentu suku, sedauk lao ho diak no sedauk garantia dezenvolvimentu bá komunidade. Tamba dezenvolve komnuidade hanesan asaun ida ne’ebé inportante bá komunidade no aleñde mós bá nasaun iha preparasaun futuru Nasaun Timor-Leste ne’ebé diak.
3.4.      Tipo de Dadus.
Bazeia bá tipu peskiza iha leten ho fóku problemas ne’ebé mak sei peskiza, maka ida ne’ebé sai sai hanesan fontes de dadus iha peskiza ne’e hanesan tuir mai ne’e;
3.2.1.Dadus Primárius.
Dadus ida ne’ebé hetan direitamente husi kampú liu husi rezultadu observasaun iha kampú ho rezultadu intrevista husi respondente.
3.2.2.Dadus Sekundárius.
Dadus idane’ebé hetan husi rekursu-rekursu livru, arkivu-arkivu no dokumentu-dokumentu ne’ebe relevante ho peskiza ida ne’e.
3.5.      Teknik de Kolekta Dadus.
Teknika de kolekta dadus hanesan hala’o kolekta de dadus hodi hetanresposta bá problemas ne’ebé formula tiha ona. Maka atu hetan dadus ne’ebe esperá, hakerek nain utilija metodu de kolekta dadus hanesan tuir mai ne’e:


3.2.3.      Intrevista.
Intervista hanesan kolekta dadus ida ne’ebé utiliza atu hetan informasaun direita husi rekursu. Intrevista utiliza wainhira atu hatene konabá kazu-kazu husi respondente ne’ebé klean liu tan no mós total respondente uituan. Kompleitu ou lae informasaun ne’ebé mak hetan depende husi entrevistador ou respondente. Entrevistador hanesan ofisial kolekta informasaun ida ne’ebé espera bele hato’o perguntas ne’ebé klaru ho estimula respondente atu responde perguntas hotu no hakerek informasaun hotu ho lolos. Respondente hanesan informador ho esperansa bele responde hotu perguntas hotu ho lolos no kompletu.
3.2.4.      Observasaun.
Observasaun katak halao observa direitamente bá objetu peskiza hodi haré atividades ne’ebe lao hela. Sekarik objeitu peskiza ho hahalok ou atitude humanu entaun prosesu servisu ba utilizasaun respondente kiik.  Ho ida ne’e, ida ne’ebé sai sasukat ba observasaun iha peskiza ida ne’e mak konabá knaar lideransa komúnitariu hodi apoiu bá programanasional dezemvolvimentu suku.



3.2.5.      Dokumentasaun.
Dokumentasaun dirijidu atu hetan dadus direitamente husi fatin peskiza, hanesan livru-livru ne’ebé relevante, regras-regras, relatoriu atividades no dadus ne’ebé relevante ho peskiza ida ne’e.
3.3.TéknikaAnaliza Dadus.
Téknika analisa dadus hanesan prosesu ida iha analizasaun dadus ne’ebe uja tuir no mós kontinuasaun tuir ho kategoria ne’ebe halao iha peskiza ida ne’e. Analiza dadus halao hamutuk ho prosesu kolekta dadus, hodi nune’e analizasaun ba dadus bele ajuda konfesaun iha previusidade dadus-dadus tuir faktus-faktus ne’ebe mak iha, ho relevante problema ne’ebé  mak atu halo peskiza ba. Ho prínsipiu katak dadus-dadus ne’ebe hetan husi rezultadu peskiza ne’e dadus-dadus ida ne’ebé  mak kolektadu ona, halo analizasaun tuir kualitativu ida ne’ebe hala’o ho kontinuadade hanesan iha kampú ho nian proseseu kolekta dadus hamutuk ho abstraksaun-abstraksaun ne’ebé relevante ho problema refere. Kazu ida ne’e bele mosu tamba prosesu analizasaun dadus halao tuir baze ne’ebé iha relevante no konsistensia entre informasaun ne’ebé hetan ho faktus iha kampo peskiza.
Teknika de peskiza ne’ebé utiliza husi peskizador iha peskiza ida ne’e hanesan rekolha dadus kualitativu, bazeia ba dadus ne’ebé hetan iha kampo, tamba peskiza ida ne’e  studu evaluativu, tamba ne’e  analizasaun dadus ne’ebe halao tuir dadus-dadus ne’ebé hetan husi kampú ne’ebe relevante ho fóku bá problema ne’ebé peskizador halao peskiza.
KAPITULU IV
DESKRIPSAUN AREA PESKIZA NO
APRESENTASAUN DADUS

A.      Historia Suco Lissapat.
Lia fuan  Lissapat nia origim no naran mai husi lia fuan Tokodede katak “Lisan Hat” husi beiala sira hato’o istoria katak, iha tempu avo sira nian maun alin nain hat mai husi suco Asa-lau fatin ida naran Mela bua ka residensia malanesia, avo nain 4 ne ‘e mak nia naran hanesan, Lak-Rai, Maurai, Sirimau, no avo Maubere, avo nain hat ne’e husi uma lisan pupur- Siri Maubere, Pupur Bui-Coli, Pupur padpusu no pupur colikleo, maka haketak ka hafahe relasaun nundar familia idak-idak hodi hari nia uma kain ka uma fukun (uma lisan) refere,  ikus mai iha tinan 1883 avo nain hat ne’e liu husi “Tanante Kolonel Raimundo” sira hanaran rai ne’e naran suco Lissapat wainhira simu governasaun colonial Portugal husi governador  Afonso de Castro.
Nune’e atu dokumenta historia husi Suco Lissapat hodi haklaken bá bei oan ba beioan, jerasaun, lisan ba lisan no knua ba komunidade suco Lissapat no public, Conselho Suco Lissapat mandatu 2009-2015 halibur katuas lia nain sira husi uma lisan ho lia nain kada nen hodi dokumenta historia ida ne’e atu rai ba jerasaun futuru.  Nune’e komunidade Lisapat no publico bele hatene originilidade suco Lissapat liu husi uma lisan pupur ne’ebé testamunha rai hela material lulik maka hanesan sandi, surik, dima, nundar simblu origin.

B.  Situasaun Jeral Suco Lissapat.
B.1. Area Jeógrafica.
Suco Lissapat Jeógraficamente hola parte iha costa Norte, no situa iha parte oeste ka loro monu distritu/munisipiu Ermera nia area, divizaun administrativu hanesan mós hanesan suco ida husi suco 52 (lima nulu resin rua) maka hola parte iha sub distritu Hatolia, distrito Ermera, ho luan area total 11.13 km2 no altedude husi tasi entre 634-1.226, nune’e suco Lissapat kompostu husi aldeia ne’en maka hanesan; aldeia Tataelu, Hatupa, laurehou, Naumnaro no Tidbssi.
Nune’e area suco Lissapat parte Norte balija ho suco Urahou, parte Leste balija ho suco Ponilala area sub Distritu Ermera, parte Sul Balija ho Suco Lissapat, parte oeste balija ho suco Mau-ubu, ho distansia suco Lissapat ba sentru sub distritu Hatolia, 239 Km2, ba Ermera sidade tuan 12 Km2, jona riku rai konsentra liu iha Tataeulo,- Tidbessi, no area inklinasaun Lissapat entre 30%-45% , tipu rai Lissapat maioria cambisolos no acrisolos.
B.2. Númeru Populasaun.
Populasaun suco Lissapat ne’ebé kompoin husi aldeia neen aumenta husi tinan ba tinan kuaze 1.5-19%. Dadus ne’e kompara ho kuidadu bajeia ba kalkulu minimal tekniku uja dadus populasaun suco Lissapat hodi formula Planu estratéjiku suco Lissapat ida ne’e bajeia ba dadus tinan ikus tinan 1997,2010, 2011, no 2013, maka sumaria hanesan grafiku iha sorin. Informasaun sumaria iha grafiku leten indika deit populasaun tuir pontes sira iha tinan1997,  ne’ebé pública BPS, (Badan Perencanaan Estatistik) indika mane 52% feto 48% no tuir sensus 2010 rejulta actual tuir dokumentu official, no monografia suco Lissapat 2011-2013. nune’e ho informasaun detallu hanesan iha kraik;
Total Populasau Lissapat hahu 1997-2013
No
Tinan
Populasaun
1
1997
2861
2
2010
3646
3
2011
4408
4
2013
4511
Pontes: Ermera dalam angka 1997, sensus 2010, Monografia Suku Lissapat
Populasaun kada aldeia hanesan tabela detalho iha kraik:

Aldeia
Mane
Feto
Uma Kain
Total
Tinan
Observasaun
Tidibessi
309
326
123
635
2013

Naumnaro
226
207
97
415
2013

Laurehou
406
379
266
785
2013

Gaulema
350
346
127
696
2013

Hatupa
355
358
140
713
2013

Tataeulu
620
629
245
1249
2013

Pontes; sensus 2010 volume 2 pag 252, monografia suku Lissapat, Outobro 2013
Tabela total populasaun kada aldeias iha leten indika tuir dadus official sira hatudu katak aldeia Tataeulu maka ho porsentajen (%) populasaun bo’ot liu hamutuk 28% koresponde bá 1.249 avitantes, segundu maka aldeia Laurehou 17% (785) tuir fali aldeia Hatupa 16% (713), Gaelema 15% (696) avitantes, Tidibessi 14% (635) avitantes no ikus liu maka aldeia Naumnrao hamutuk total avitante 433 koresponde ba 10% avitantes mais ke nune’e Aldeia Naumnaro iha rai luan liu aldeia Tidibessi porsentu 2 (%).
No
Religaun
Total
1.
Katolika
1436
2.
Protestante
1
3.
Islam
6
4.
Hindu
-
5.
Budha
-
6.
Laiha relijaun
3
TOTAL
1446

Tabela 5. Klasifikasaun Populasaun Tuir Modelu Moris Ida-Idak
No.
Modelu Moris Iha Familia
Total
1.
Funsionario Publiku/Pegawai
8
2.
PNTL
4
3.
 F-FDTL                      
6
4.
ONG
1
5.
Agrikultura (Petani)
347
6.
Karpintaria
4
7.
Negosiante (Pedangan)
48
8.
Veteranus Moris
6
9.
Veteranus Martir
2
TOTAL
426
Rekursu ba Dadus, Suco Lissapat 2013.
Relasiona ho tabela iha leten hatudu katak, iha Suco Lissapat nia laran iha modelu servisu 6 mak eziste iha ne’eba, ho Profisaun servisu ne’e sira focus servisu para oinsa atu suporta moris loro-loron nian. Tan ne’e klasifikasaun populasaun tuir modelu moris social iha Suco Lissapat maioria populasaun servisu nu’udar agrikultur katak halo to’os no negosiu iha bazar lokal para bele ajuda sustenta sira nia moris iha familia.
Tabela 2. Kompozisaun Populasaun Tuir Idade
NO
Nivel         Idade
Sexo
Total
M
F
1
0-11 (Fulan)
29
36
65
2
1-4 (Tinan)
118
89
207
3
5-14 (Tinan)
188
203
391
4
15-24 (Tinan)
90
143
233
5
25-34 (Tinan)
118
129
247
6
35-44 (Tinan)
86
97
183
7
45-54 (Tinan)
51
42
93
8
55+ (Tinan)
53
27
80
TOTAL
562
766
1499
Rekursu ba dadus husi Suco Lissapat no sentru Klinika Sub-distritu hatolia  2013.

Tabela 3. Klasifikasaun Komunidade Tuir Nivel Educasaun
No
Naran eskola
Total
1.
Eskola Primaria
519
2.
Eskola Pre-Secundaria
43
3.
Eskola Sekundaria
17
4.
Ensino Suprior
19
5.
Diploma III
7
6.
Lisensiatura(S1)
22
7.
Masteradu (S2)
0
8
Analfabetizasaun
22
9.
La Eskola
822
Total
1471
Dadus ne’e hetan liu husi arquivu sedeSucu lissapat.
Tabela ne’ebé mensiona iha leten hatudu katak, hare’e husi nivel educasaun formal ne’ebé populasaun sira escola ba maka hanesan ensinu baziku hamutuk 519 pessoas, tuir tan mak ensino Pre-secundaria hamutuk 43 pessoas,          ensino Secundaria ninia estudante hamutuk 17 pessoas, Ensino suprior hamutuk 19 pesoa diploma III (D3) hamotuk 7 Pessoa, Lisensiatura (S1) hamotuk 22 pessoa, Masteradu (S2) 2 pessoas, sira ne’ebé kategoria hanesan alfabeitizasaun ka
analfabeitu hamutuk 22 pessoas, la hatene le’e no hakerek hamutuk 1471  pessoas.

kna’ar, Dever, Direitu no Poder Xefe Do Suco.
·         Lidera governasaun bazeia bá desijaun ne’ebé deside hamutuk tuir conselhos Suco;
·         Hato’o regulamentu suco;
·         Hatu’ur regulamentu suco ne’ebé hetan konkordasaun husi conselho do suco;
·         Hatu’ur no hato’o regulamentu suco konabá orsamentu suco, atu halo diskusaun no konkorda entre konselhu suco;
·         Orienta moris komunidade suco nian;
·         Orienta ekonomia suco;
·         Reprejenta suco iha laran ou liur husi Justica  no bele hatudu legalidade justica tuir konstitusaun RDTL;
·         Asegura ambiente ne’ebé diak entre komunidade;
·         Halao servisu hamutuk entre parseiru servisu sira hotu iha suco;
·         Halao asuntu ne’ebé tuir papel suco;
·         Halao administrasaun suco ho efisien;
·         Rensponsabilidade ba orsamentu suco



.

Kna’ar, Dever, Direitu no Poder Xefe Aldeia.
Xefe Aldeia hanesan parseiru Xefe do Suco iha ajuda xefe do suco hodi hala’o atividades suco iha Aldeia. Xefe Aldeia iha ninian knar ajuda xefe do suco halao programa governu, dezenvolvimentu, iha ninian komunidade i zona servisu, tuir lei ne’ebé vigora
Atu hala’o knar hanesan xefe aldeia iha ninian fungsaun;
·         Halao atividades Governo, dezenvolvimentu, komunidade, no saudavel iha aldeia.
·         Ajuda xefe do suco iha atividades palestra, orientasaun, no disiplina servisu.
·         Halao mos servisu seluk ne’ebé diriji husi Xefe do suco.
C.    Apresentasaun Dadus e Analiza Dadus
Hanesan ita hotu hantene katak iha parte dahuluk analiza dadus ne’ebé mak uja mak hanesan analiza deskriptivu kualitativu ne’ebe desenha fenomena social ne’ebe iha kampo, peskiza ne’ebe mak hanesan ho responde husi respondente liu husi intervista ne’ebe klean no perguntas ne’ebe habelar ho perguntas sira ne’ebé respondente hatan.
C.1.Apoiu Lideransa Komunitariu.
Koalia konabá apoiu lideransa komunitariu bá programa nasional dezenvolvimentu suco katak, xefe do suco ho menbro kolektivo tomak  iha papel inportante iha dezenvolvimentu ne’ebé lao iha ninian komunidade rasik, hamutuk ho komunidade identifika, planu, no halao dezenvolvimentu, iha parte seluk mós apoiu ekipa PNDS hodi realija program iha suco laran.
 C1.1 Modelu apoio lideransa komunitario iha parte foti desisaun
1.      Sisteme foti desisaun iha conselho suco  no presinte kpa  hamutuk ho chefe  suco  mak lidera  enkontro  conselho  suco no ekipa pnds  iha momento  neebe   enkontro  ho ekipa aldeia sira  sei propoin  proposta  nebe’e mak komunidade no sei foti desisaun  hamutuk hodi aprova  proposta  nebe’e  mak sei  prioridade iha suco nia laran  liu husi votasaun
2.      Sistema foti desisaun iha conselho do suco sira halo reuniaun komunidade  sira iha nivel suco  esplika  pnds  ba populasaun  tomak  inklui  sira  nia papel  iha prosesu  foti desisaun  no hahu halo eleisaun  ba ekipa  lokal  ida hodi  maneja  projetu iha  sira nia suco
3.      Suco sira  identifika  no klasifika  prioridades hatama  husi reuniaunfeto sira deit
4.      Fasilitador sira presija  halo reuniaun  responsabilizasaun reguler  ho komunidade no tau  relatorius iha kuadrus avizu durante prosesus kontrusaun,atu nune’e bele simu segundu prestasaun husi fundus infra-estrutura

APOIO  HODI KRIA KONDISAUN PARA ORGANIZA KOMUNIDAE
 ,sira mos  kaer papel inportante ida iha pnds,sira lidera sosializasaun no enkonrajenpartisipasaun feto no mane  sira superviziona  eleisaun demokratika hosi ekipa  komunitario  sira nebe’e  no tulun  rezolve  keixa ho justu
Ø  komisaun planeamento  no akontabilidade(KPA) responsabiliza ba supervizaun  monitorizasain  jeral ba actividades  pnds  no garnte  partisipasaun  komunidade ne’ebe  efetivo  hosi  menbru  hotu-hotu  iha komunidade (konselhu suco  tomak mos hola parte ba iha KPA)
Ø  ekipa inplementasaun komuniaded (EIP) responsaliza  ba dezenu, plaemento noimplementasaun pnds
Ø  ekipa operasaun no manutensaun (EOM) responsabiliza ba implemntasaun no maneja  manutensaun  no funsionamento  infrastura foun sira nebe’e hari liu hosi subvensaun  suco nian
Ø  fasilitador suco rua ne’ebe  liga ho pesoal pnds  tulun moliza komunidade no tulun komunika kona ba pnds nia actividade no desizaun sira



Tamba ne’e tuirJoao Paulhanesan komunidade hateten katak; knaar lideransa komunitariu hodi apoiu bá programa Nasional dezenvolvimentu suco lideransa komúnitariu sai hanesan observador ka kontrola bá programa hirak ne’ebé maka ekipa PNDS sira formadu tiha ona, i komunidade rasik mak sai hanesan rensponsabilidade bá programa hirak ne’e. Iha tuir GARY YUKI2001;8 ka matenek nain lideranca hanesan prosesu atu influencia ema seluk atu konprende  no aseita  ho saida mak presija atu halo no efectivo parte seluk peskijador hateten  lideranca tenki efectivo iha parte dezenvolvimento liu –liu ba nia komunidade rasik iha suco ne,ebe refere ba Sr Lino Izaes borges hanesan komunidade  hateten katak lideranca importante tebes ba  hodi kolobora  hamutuk komunidade  hodi atiji  programa nasional  dezenmolvimento suco  inportante tebes ba suco iha timor laran tomak  hodi   dezemvolvimento sira nia komunidade no sira familia Koortzdkk(dalamKamars,2000:164)“leadershipas influence,The art aof process of influencing people so that will strive willing ly and enthusiastically to ward the achievementof grup”.Iha lian tetum cignifika katak::lideransa hanesan influensia, arte ou prosesu prosesu influensia ema atu nune’e sira hakarak servisu hamutuk ho voluntariu ho espiritu bá diresaun hodi atinji objetivus grupu peskijador nia definisaun  lideranca tenki fo sira nia apoio tomak ba qualker  programa sira nebe tama iha suco.
Tuir Xefe AldeiaManuel Santa iha parte seluk mós programa nasional dezenvolvimentu suco ne’ebé implementa iha suco Lissapat mós la komplikadu ho programa sira seluk, asuntu ida ne’e hatudu katak durante ne’e programa governu nian lao diak ho koordenasaun ne’ebé mak halao husi governu ho komunidade hodi implementa programa nasional dezenvolvimentu suco.Bele dehan katak programa sira ne’e bele duni atiniji objetivu ne’ebé maka ita nia povu luta desde uluk to’o agora, ne’e katak realija duni mehi ne’ebé maka durante sira hein hela.(Intrevista iha loron 4 fulan julho 2014, iha oras 10-12.00 am OTL).
Nune’e Mós Armindo Borgeshanesan Lia Nain hateten katak ekipa PNDS sira hala’o rekrutamentu tiha ona bá  komunidade balun inklui lideransa sira ne’ebé maka durante ne’e kaer mos knaar hanesan reprejentante juventude feto ho mane, oferese sira nia an voluntariumente hodi apoiu bá Programa PNDS nian ne’ebé maka durante ne’e lao hela iha komunidade sira nia le’et, hodi fo benefisiu bá ita nian povu sira ne’ebé sofre no kbiit laiha. Iha parte seluk mós ita nian komunidade  servisu hamutuk ho lideransa komúnitariu sira hodi kontribui bá programa PNDS ne’ebé maka planea husi Ministeriu Estatal.
            Maneira hanesan sasukat ida hodi hetan buat ne’ebé mak ita hakarak, atu fo rejultadu ida ne’ebé mak planeia ona persija lideransa komúnitariu hala’o hodi halo koordenasaun ho ekipa PNDS Nasional, involve komúnidade direitamente hodi identifika no planeia area ne’ebé mak periodades hodi implementa. Tamba ne’e mak tuir Julio do Rosario Lemos hanesan Xefe do Suco iha ninian intervensaun hateten katak; maneira ne’ebé mak lideransa komúnitariu uja mak hanesan buka atu hatene oinsa maka implementasaun husi ema lubuk ida ne’ebé maka hetan ona fiar husi ekipa PNDS, iha parte seluk mós oinsa maka sira bele uja orsamentu, ne’ebé aloka ona husi Ministerio da Estatal, liu husi programa dezenvolvimentu suco, tamba durante ne’e ema lubuk ida ne’ebé forma ona hanesan membru hodi ezekuta programa hirak ne’ebé maka trasa tiha ona husi ekipa PNDS, tamba durante ne’e sira hetan ona formasaun husi ekipa fasilitador PNDS, hodi nune komunidade sira rasik bele utilija osan ne’e ho diak no bele tuir duni programa sira ne’ebé maka durante ne’e prepara ona husi ministeriu kompotente. (Intrevista iha loron 4 fulan julho 2014, iha oras 10-12.00 am OTL.
Programa ida sei lao ho diak persija komunikasaun ida ne’ebé klaru no asertivu, asuntu ida ne’e tambá liu husi komunikasaun ema ida bele hala’o relasaun ho ema seluk iha ekipa ida, programa ida sei la lao ho diak sekarik komunikasaun ne’ebé mak iha ladun estabelese ho diak. Ho ida ne’e tuir reprejentante Xefe Aldeia Sr Orlando do santo hateten katak; komunikasaun ne’ebé maka lideransa komúnitariu hala’o mak buka kopera hamutuk no tau ideia hanesan hodi bele  hetan susesu bá programa hirak ne’e.
Aleñde ne’e karik iha mudansa balun husi bá programa hirak ne’e, maka lidernsa komúnitariu buka koordena ho ekipa PNDS ne’ebé maka sai hanesan rensponsabilidade bá suco refere, i nune’e mós hodi bele trasa enkontru abertu ida iha sede suco no fatin ida ne’ebé maka durante ne’e sai hanesan centro ba enkontru nian atu bele ezekuta nafatin programa hirak ne’ebé  hanaran programa dezenvolvimentu suco.(Intrevista iha loron 4 fulan julho 2014, iha oras 09-11.00 am OTL.Tuir W. J. S. Poerwadarminta defini papel hanesan:
“Nivel ida ne’ebé definidu no esperá bá ema ida iha komunidade ou papel katak parte husi knar prinsipal ne’ebé tengkiser hala’o
Peskijador nia finisaun  katak lideranca iha nia esforsu makas ba nia komunidade  hodi  iha koncensia atu kontrolo sira nia servisu liu ba chefe de socu atu  apoio makas ba programa sira hanesan pnds
Basea ba dadus nebe,e  iha fatin  ,peskijador foti konkluzaun katak apoiu  lideranca  komunitario  ba iha programa nasional dezemvolvimento suco ,lideransa hanesan autor ba iha programa nasional dezemvolvimento  hodi kontrola buka hatene  kordena hamutuk ho ekipa pnds mak sai hanesan responsabilidade ba suco refere .nune mos hodi trasa enkontro aberto iha sede suco ,lideransa iha inisiativo hodi dezemvolve nia suco rasik  no hatene nia knar  ba basea legalidade nebe,e mensiona konstituisaun  RDTL
·         Tuir artigu 16. Husi Lei n.3/2009, husi loron 8 fulan Jullu konabá lideransas komunitárias nia eleisaun konfere bá kompeténsia governu hodi fornese rekursus umanus no finanseirus bá suco sira no hare’e  hodi  garante katak funsionamentu sei la’o ho dia’k no dezenvolvimentu  bá Ministériu Administrasaun Estatal noregulamento ba lederanca komunitarioLidera governasaun bazeia bá desijaun ne’ebé deside hamutuk tuir conselhos Suco;
·         Hato’o regulamentu suco;
·         Hatu’ur regulamentu suco ne’ebé hetan konkordasaun husi conselho do suco;
·         Hatu’ur no hato’o regulamentu suku konabá orsamentu suco, atu halo diskusaun no konkorda entre konselhu suku;
·         Orienta moris komunidade suku nian;
·         Orienta ekonomia suku;
Reprejenta suku iha laran ou liur husi Justica  no bele hatudu legalidade justica tuir kontituisaun RDTL
DIFIKULDADE  MAK LIDERANCA KOMUNITARIO HODI APOIU BA PNDS
            Ho difikuldades hirak ne’ebé mensiona iha leten persija tau atensaun husi governu sentral, i persija mós mautoridade ou konsensia husi komunidade atu labele hala’o protesta bá lideransa komúnitariu, tambá programa PNDS ne’e involve direitamente komunidade hodi planeia, hodi identifika area ne’ebé maka periodades. Iha parte seluk persija transporte ne’ebé mak diak, no koordenasaun hodi hakbesik material konstrusaun mai suco Lissapat, i alende ne’e mós reforsa planu ne’ebé maka iha, atu nune’e iha implementa programa PNDS labele atraja ho iklima ne’ebé iha. Nune’e mós persija reforsa komunikasaun no kontrola ne’ebé maka’as bá pessoal suku ne’ebé rekruta tiha ona, hodi nune’e pesoal sira ne’e bele ativa iha implementasaun programa nasional dezenvolvimentu suco.
Xefe do Suco Lissapat hateten katak programa PNDS ne’ebé maka durante ne’e atinji ona mak hanesan; rehabilitasaun bá be mos, nune’e hadia mós torneira balun durante ne’e at hela,  i aleñde ne’e rehabilita tanki distribuisaun be mos. Hari’i tan sede aldeia foun balun husi aldeia ne’ebé mak dook husi sede suco, nune’e mós rehabilita centro de saude atu bele halo tratamentu ba komunidade hodi reduz fatin ne’ebé dok ne’ebé durante ne’e komunidade infrenta, atu nune’e sekarik komúnidade persija konsulta, komunidade la persija ba dook ona iha Centru saude ne’ebé durante ne’e dok husi suco Lissapat.Dezafius ne’ebé maka durante ne’e lideransa komúnitariu Lissapat infrenta mak hanesan;
1.      Realija programa hirak ne’e sedauk hotu, hetan protesta husi komúnidade.
2.      Suco Lissapat dok husi material ne’ebé mak uja hodi hala’o konstrusaun.
3.      Dalaruma atraja ho mudansa klimatika nune’e bele prejudika programa ne’ebé maka trasa tiha, hanesan programa PNDS.
4.      Pesoal apoiu PNDS ne’ebé rensponsabilija bá programa ne’ebé iha, ladun ativa hodi halo relatoriu,la marka prejensa iha reuniaun, i ladun iha jestaun ne’ebé diak iha ezekusan orsamentu.
C.2. Programa Nasional Dezenvolvimento Suco(PNDS)
Programa husi V Governo konstitusional hare no fó kontinuasaun bá programa inisius husi IV governo konstitusional ho nia planu estrategiku bá dezenvolvimentu Nasional (2011-2030), ne’ebé forma husi segment konabá Resolusaun do Governo no 1/2012, loron 25 fulan Janeiro, ne,ebé kria komisaun konabá kordenasaun interministerial para hodi koordena, monitoriza no avalia iha implementasaun mekánismu nasional hodi aselera dezenvolvimentu komúnitariu, i no mos Grupo apoiu Técnico de Trabalho Interministerial.
Inisiativa ida ne’e traduz ba vontade pólitika atu estabelese ligasaun maior governo ho sucos, atu kompleta diferente planu dezenvolvimento. Konkretizandu hanesan forma ida, objetivu governo nian, no mos quadro strategia ida ba dezenvolvimento sustentavel, promosaun ba bem star social e ekonomiku no mos kualidade vida populasaun i promosaun husi koesaun ekonomika e sosial, atraves husi partisipasaun husi komunidade no propriu bá dezenvolvimento.
Kumprimentu ida ne’e iha finalidades justifika hodi apoiu finanseiru bá parte governo no intedades hodi presta ba servisus interese jeral nian, iha kontekstu ida ne’e kria rejime jeral bá Programa Nacional Desenvolvimento Sucos (PNDS) ho durasaun inisial tinan wualu no investimentu estimadu $USD 300 milhõesde dólares. Iha tinan primeiro iha implementasaun kada suco simu subsidiu husi governu ho montante orsamentu  $USD 50 000, hodi bele iha poder ba progresivamente, i aumenta tan tinan subsekentes to’o montante médiu de $USD 75 000.Subsidiu ne’e rasik direitamente fó ba sucos para ezekuta projetus no infrastruturas, no teknikamente identifika projetu ne’ebé periodade husi komunidade local.
Governo, através do Ministério da Administração Estatal iha rensponsabilidade fo formasaun inisial bá ekipa de profesionais no forma permiti ninian adekuada intervensaun iha implementasaun rejime jeral husi programa, alende rensponsabbilija, liu husi Secretariado Técnico de Apoio aoPrograma Nacional de Desenvolvimento dos Sucos, husi ninian supervizaun no akompañamento.[13]
Programa ne’ebé mak PNDS hala’o maka programa fiziku ou infrastrutura ne’ebé jere husi komunidade rasik hanesan ponte, luron tama ba suco, bee mós, irigasaun, merkadu, sintina públiku, sentru komunidade, rehabilitasaun postu saude, eskola no seluk-seluktan. Programa sira ne’e hetan involvimentu direita husi komúnidade hodi identifika sira nian problema rasik no implementa iha sira nian suco laran. Apoiu lideransa komúnitariu hanesan autór ba implementasaun programa nasional dezenvolvimento suco.
Rejultadu nudar valor ne’ebé mak sempre hetan iha esforsu husi ekipa no pesoal ne’ebé mak durante ne’e hala’o programa PNDS, tamba ne’e makChefe do Suco Lissapathateten katak rejultadu husi programa PNDS sai hanesan vantazen no realidade iha komunidade nia le’et, tambá bele fo suksesu bá programa hirak ne’ebé maka durante ne’e ita nia komunidade sira hein hela, i sira mós agradese tambá ho programa PNDS nian, bele realija duni mehi ne’ebé durante ne’e sira hein hela.Iha parte seluk komunidade mós husu bá governu liu husi Ministeriu kompotente atu iha nafatin planu seluk ba tinan oin mai bele sai hanesan mós programa PNDS nian ne’ebé maka realija ho diak no sai susesu bo’ot ida hodi garante dezenvolvimentu bá jerasaun foun iha futuru. (Intrevista iha loron 2 fulan julho 2014, iha oras 10-12.00 am OTL.)
Tuir Chefe Aldeia Tateulu hateten katak rejultadu implementasaun PNDS durante ne’e iha hau nian Suco sente ne kapas teb-tebes, tambá komunidade iha hau nia aldeia kolabora duni ho autoridade lokal ho ekipa PNDS hodi implementa programa sira ne’e.tuir peskijador nia haren katak programa  pnds iha suku lisapat lao nia diak  no koloborasaun  husi komunidade diak no autoridade  iha komitmento hanesan   ho komunidade.
Kontinuasaun husi ida ne’e Chefe Aldea Tidibessi mós hateten katak; nia parte sente kontente ho rejultadu ne’ebé PNDS halo iha hau nian Suco, hau espera katak liu husi PNDS bele responde ona nesesidade ne’ebé mak komúnidade hasoru iha base, i hau husu nafatin ba Governu hodi kontinua nafatin programa ida ne’e iha teritoriu laran tomak.
Esperansa hanesan buat ida ne’ebé ema ida ou ema barak nia hakarak, tamba ne’e komunidade suco Lissapat espera katak depois de implementasaun ida ne’e komunidade sira direitamente goja dezenvolvimentu husi implementasaun PNDS, bele hakman no reduz difikuldades ne’ebé mak durante ne’e komunidade suku Lissapat hasoru.Komunidade espera katak; oinsa mak sirabele kuidadu saida mak governu halo ona iha sira nian suco liu husi programa PNDS, komúnidade rasik sai seguransa bá dezenvolvimentu ne’ebé iha, i buka kooperasaun ne’ebé diak ho ita nian governu hodi asegura dezenvolvimentu iha ita nian Suco
Programa nasional dezenvolvimentu suku ba oin kunforme governu Timor-Leste liliu ba Governu foun ne’ebé sei ukun tuir mai, persija mantein nafatin Program ida ne’e, tambá programa ida ne’e fo duni benefisiu ba komunidade ne’ebé hela iha area remotas.
Apoiu lideransa komunitariu bá programa nasional dezenvolvimentu suco katak lideransa komunitariu iha papel inportante iha dezenvolvimentu ne’ebé lao iha ninian komunidade rasik, hamutuk ho komunidade identifika, planu, no halao dezenvolvimentu,  apoiu ekipa PNDS hodi realija programa. Iha parte seluk mós programa nasional dezenvolvimentu suco ne’ebé implementa iha suku Lissapat mós la komplikadu ho programa sira seluk, asuntu ida ne’e hatudu katak durante ne’e programa governu nian lao diak ho koordenasaun ne’ebé mak halao husi governu ho komunidade hodi implementa programa nasional dezenvolvimentu suku. Bele dehan katak programa sira ne’e bele duni atiniji objetivu ne’ebé maka povu luta desde uluk to’o agora, ne’e katak realija duni mehi ne’ebé maka durante sira hein hela.
MANIERA LIDERANCA  KOMUNITARIO  BA IHA PROGRAMA NASIONAL  DEZEMVOLVIMENTO SUCO
Maneira hanesan sasukat ida hodi hetan buat ne’ebé mak ita hakarak, atu fo rejultadu ida ne’ebé mak planeia ona persija lideransa komúnitariu hala’o hodi halo koordenasaun ho ekipa PNDS Nasional, involve komúnidade direitamente hodi identifika no planeia area ne’ebé mak periodades hodi implementa. Tamba ne’e maklideransa komúnitariu uja mak hanesan buka atu hatene oinsa maka implementasaun husi ema lubuk ida ne’ebé maka hetan ona fiar husi ekipa PNDS, iha parte seluk mós oinsa maka sira bele uja orsamentu, ne’ebé aloka ona husi Ministerio da Estatal, liu husi programa dezenvolvimentu suku, tamba durante ne’e ema lubuk ida ne’ebé forma ona hanesan membru hodi ezekuta programa hirak ne’ebé maka trasa tiha ona husi ekipa PNDS, tamba durante ne’e sira hetan ona formasaun husi ekipa PNDS, i sira rasik bele utilija osan ne’e ho diak no bele tuir duni programa sira ne’ebé maka durante ne’e prepara ona husi ministeriu kompotentePrograma ida sei lao ho diak persija komunikasaun ida ne’ebé klaru no asertivu, asuntu ida ne’e tambá liu husi komunikasaun ema ida bele hala’o relasaun ho ema seluk iha ekipa ida, programa ida sei la lao ho diak sekarik komunikasaun ne’ebé mak iha ladun estabelese ho diak. Ho ida ne’e tuir reprejentante
Ho difikuldades hirak ne’ebé mensiona iha leten persija tau atensaun husi governu sentral, i persija mós mautoridade ou konsensia husi komunidade atu labele hala’o protesta bá lideransa komúnitariu, tambá programa PNDS ne’e involve direitamente komunidade hodi planeia, hodi identifika area ne’ebé maka periodades. Iha parte seluk persija transporte ne’ebé mak diak, no koordenasaun hodi hakbesik material konstrusaun mai suco Lissapat, i alende ne’e mós reforsa planu ne’ebé maka iha, atu nune’e iha implementa programa PNDS labele atraja ho iklima ne’ebé iha. Nune’e mós persija reforsa komunikasaun no kontrola ne’ebé maka’as bá pessoal suco ne’ebé rekruta tiha ona, hodi nune’e pesoal sira ne’e bele ativa iha implementasaun programa nasional dezenvolvimentu suco.
Rejultadu implementasaun PNDS ne’ebé  atinji ona mak hanesan; rehabilitasaun bá be mos, nune’e hadia mós torneira balun durante ne’e at hela,  i aleñde ne’e rehabilita tanki distribuisaun be mos. Hari’i tan sede aldeia foun balun husi aldeia ne’ebé mak dook husi sede suco, nune’e mós rehabilita centro de saude atu bele halo tratamentu ba komunidade hodi reduz fatin ne’ebé dok ne’ebé durante ne’e komunidade infrenta, atu nune’e sekarik komúnidade persija konsulta, komunidade la persija ba dook ona iha Centru saude ne’ebé durante ne’e dok husi suco Lissapat.
BENEFISIO BA PROGRAMA NASIONAL DEZEMVOLVIMENTO SUCO PNDS BA KOMUNIDADE
Benefisiu Programa nasional dezenvolvimentu suco ba oin kunforme governu Timor-Leste liliu ba Governu foun ne’ebé sei ukun tuir mai, persija mantein nafatin Programa ida ne’e, tambá programa ida ne’e fo duni benefisiu ba komunidade ne’ebé hela iha area remotas.
Esperansa hanesan buat ida ne’ebé ema ida ou ema barak nia hakarak, tamba ne’e komunidade suco Lissapat espera katak depois de implementasaun ida ne’e komunidade sira direitamente goja dezenvolvimentu husi implementasaun PNDS, bele hakman no reduz difikuldades ne’ebé mak durante ne’e komunidade suco Lissapat hasoru.Komunidade espera katak; oinsa mak sirabele kuidadu saida mak governu halo ona iha sira nian suco liu husi programa PNDS, komúnidaderasik sai seguransa bá dezenvolvimentu ne’ebé iha, i buka kooperasaun ne’ebé diak ho ita nian governu hodi asegura dezenvolvimentu iha ita nian Suco









KAPITULO V
                                         Konsiderasaun Final
A.    Konklusaun
Bazeia bá rejultadu husi peskija ne’ebé relasionadu ho apoiu lideransa komúnitariu bá programa nasional dezenvolvimentu suku, maka hakerek nain bele fó konkluzaun katak apoiu lideransa komunitariu hanesan asuntu ida ne’ebé inportante teb-tebes hodi apoiu bá PNDS iha implentasaun, asuntu ida ne’e bele sukat liu husi atividades ou programa ne’ebé mak lideransa komúnitariu hala’o ho ekipa PNDS ne’ebé iha, no mós buka apar informasaun ne’ebé relevante ho dezenvolvimentu suco.
Husi rejultadu analiza no resolves problemas bele dada konkluzaun ida konabá apoiu lideransa komúnitariu bá programa nasional dezenvolvimentu suku hanesan tuir mai ne’e;
1        Lideransa komunitariu hodi apoiu bá programa Nasional dezenvolvimentu suco sai hanesan observador ka kontrola bá programa hirak ne’ebé maka ekipa PNDS sira formadu tiha ona;
2        Reprejentante komunidade balun oferese sira nia an voluntariumente hodi apoiu bá Programa PNDS nian ne’ebé maka durante ne’e lao hela iha komunidade sira nia le’et.
3        Pesoal apoiu PNDS ne’ebé rensponsabilija bá programa ne’ebé iha, ladun ativa hodi halo relatoriu, la marka prejensa iha reuniaun, i ladun iha jestaun ne’ebé diak iha ezekusan orsament
4        Lideransa komunitario sai hanesan autor ba programa nasional dezemvolvimento suco
B.     Rekomendasoês.
Bazeia bá konkluzoes bá rejultadu analija dadus iha leten, maka hakerek nain bele rekomenda ba Governu liu husi Ministerio Estatal hodi tau interese bá apoiu lideransa komunitariu bá programa nasional dezenvolvimentu suco ho nia rekomendasaun hanesan tuir mai ne’e:
1.      Husu bá Governu hodi tau konsiderasaun báapoiu  ne’ebé hala’o husi lideransa komúnitariu masimu bá implementasaun programa nasional dezenvolvimentu suco, atu nune’e lideransa komunitariu bele observa no kontrola ho diak dezenvolvimentu iha sira nian suco  rasik.
2.      Persija involve barak liu tan komunidade balun ne’ebé hakarak voluntariu hodi apoiu bá implementasaun programa Nasional dezenvolvimewntu suku.
3.      Persija tau atensaun bá pesoal PNDS ne’ebé ladun ativa iha enkontru, halo relatoriu ba ekipa PNDS nasional, i persija kontrola orsamentu iha ezekusaun, atu nune’e labele mosu mal administrasaun iha implementasaun PNDS bá suco Lissapat.
BIBLIOGRAFI


Peran Kepala Desa Dalam Penyelenggaraan Pembangunan di Desa Malinau Seberang Kecamatan Malinau Utara Kabupaten Malinau,   P. Arbain Padilah,  e Journal Ilmu Pemerintahan, 2013, 1 (2): ejournal.ip.fisip-unmul.ac.id © Copyright 2013.

Kamus Umum Bahasa Indonesia, 1976,W. J. S. Powerdarminta, Jakarta.

Departemen Pendidikan dan Kebudayaan Kamus Besar Bahasa Indonesia, Balai Pustaka

Thibaut dan Kelly, Dalam.Adam I. IndraWijaya, Perilaku Organisasi, Sinar Baru Bandung,

Robert M.Z.1985, Buku Pengantar Sosiologi, Penerbit Kanika, Jakarta,

Lewwellen 1995, Larrin 1994, Kiely 1995 dalam Tikson, 2005)

Memahami Konsep Pedesaan Dan Tipologi Desa Di I IndonesiaOleh: Edi Indrizal.

Metodologi Penelitian Sosial,Husaini Usman dan Purnomo Setwadi Akbar,  Bumi Aksara, Jakarta, 2000,


PNDS sei la fó benefisiu ami-nia suco, Alarico da Costa, Manuel Ribeiro. Artikel, jornal Timor Post, edisaun Sábadu 15 Fevereiru 2014.
Decreto-Lei30/2012 Incentivos Financeiros às Lideranças Comunitárias
DECRETO-LEI N.º 08 / 2013 de 26 de Junho. REGIME GERAL DO PROGRAMA NACIONAL DE DESENVOLVIMENTO DOS SUCOS (PNDS)




[1]Peran Kepala Desa Dalam Penyelenggaraan Pembangunan di Desa Malinau Seberang Kecamatan Malinau Utara Kabupaten Malinau,   P. Arbain Padilah,e Journal Ilmu Pemerintahan, 2013, 1 (2): ejournal.ip.fisip-unmul.ac.id © Copyright 2013.
2. PNDS sei la fó benefisiu ami-nia suku, Alarico da Costa, Manuel Ribeiro. Artikel ne’ebé públika sai iha jornal Timor Post, edisaun Sábadu 15 Fevereiru 2014.


[3] Decreto-Lei30/2012 Incentivos Financeiros às Lideranças Comunitárias
[4]Asiste diskusasaun Interaktivu Directo ne’ebé RTTL halo entre Ministro MAOET, Deputadu, ho Reprezentante husi Sociedade Civil, konabá PNDS, iha dia 21 de Febereiru 2014.Oras Tuku 19.00-20.00, pm. OTL
[5]Lewwellen 1995, Larrin 1994, Kiely 1995 dalam Tikson, 2005)
[6]Memahami Konsep Pedesaan Dan Tipologi Desa Di I Indonesia  Oleh: Edi Indrizal,  pájina.5

[7]  W. J. S. Powerdarminta  Kamus Umum Bahasa Indonesia, Jakarta, 1976,Hal.383
[8]Departemen Pendidikan dan Kebudayaan Kamus Besar Bahasa Indonesia, Balai Pustaka, Hal. 39
[9]Thibaut dan Kelly, Dalam.Adam I. IndraWijaya, Perilaku Organisasi, Sinar Baru Bandung, 1986, Hal. 131
[10]Robert M.Z. Buku Pengantar Sosiologi, Penerbit Kanika, Jakarta, 1985, Hal. 89
[11]DECRETO-LEI N.º 08 / 2013 de 26 de Junho. REGIME GERAL DO PROGRAMA NACIONAL DE DESENVOLVIMENTO DOS SUCOS (PNDS)
[12]Husaini Usman dan Purnomo Setwadi Akbar, Metodologi Penelitian Sosial, Bumi Aksara, Jakarta, 2000, Hal. 47
[13]DECRETO-LEI N.º 08 / 2013 de 26 de Junho. REGIME GERAL DO PROGRAMA NACIONAL DE DESENVOLVIMENTO DOS SUCOS (PNDS)
Diposting oleh di

Tidak ada komentar:

Posting Komentar

Langganan: Posting Komentar (Atom)