EMPODERIZA JOVENTUDE IHA EDUKASAUN NAUNFORMAL HODI HASA'E KAPASIDADE

1. Introdusaun

A      Definisaun

Materia empoderamentu da komunidade e transformasao social nudar parte integradu ho departamentu dezenvolvimentu komunitariu iha ensino superior fakuldade siensia sosiais no politika sai asuntu importante hodi halo diskusaun entre estudante ho dosente ba semestre daruak nian iha klase, atu nune’e oinsa estudante sira bele kompriende no hatene klean komunidade nia moris ba ezistensia iha ambiente ida. Aliende ne’e, antes atu tama iha kontiudu importante hirak mak sai seriedade iha prosesu aprendisazen nudar material diskusaun ida maibe dahuluk ita define uluk lai saida mak; Empoderamentu (Empowerment), Komunidade, Transformasaun no Sosial? Entaun, Empoderamentu nudar meus ida atu apoiu ba sosiedade oinsa hetan konesementu ba informasaun ruma ne’ebe sai mos alternativa ida  iha prosesu dezenvolvimentu iha Timor-Leste tanba ne’e, wainhira ita ko’alia kona konseitu empoderamentu hanesan parte esforsu ida hodi fo biban ba iha  komunidade hodi hakbi’it-an, komunidade hanesan komponente ida iha kontestu nasaun nian, no sosiedade ida ne’ebe mak halibur-an iha fatin (Ambiente) ida ho sira nia lisan ka kultura oi-oin, transformasaun hanesan mudansa karakteristiku husi kondisaun ne’ebe mak a’at sai ba diak, no sosial nudar relasaun entre ema umanu ne’ebe mak iha nia karakteristiku gosta ajuda malu iha sosiedade ida, lisan ida no seluk tan.

Konklui katak, Empoderamentu komunidade no transformasaun sosial mak nudar esforsu ida hodi fo influensia ba ema/komunidade atu hakbi’it-an rasik iha prosesu transformasaun mentalidade ne’ebe mak mai ho karakteristiku/lisan oin-oin iha emvairomentu ida hodi kontribui ba dezenvolvimentu rai laran tantu hare husi multiseitor sira; ekonomia, politika, justisa, jestaun ne’ebe interesante ho nesesidade moris iha fatin ida. Entaun ita ko’alia kona progresu dezenvolvimentu nasaun sira seluk ne’ebe mak ukun-an uluk no avansadu tebes iha dezenvolvimentu  ohin loron Nasaun Timor-Leste mos la hakmatek hodi duni  dezenvolvimentu ne’ebe atrazadu. Mesmu, akontese ona obstaklu barak hanesan limitasaun rekursu umanu atu jere rekursu naturais ne’ebe mak iha, ita nia nai ulun sira iha nafatin komitmentu politika hodi luta atu sai husi ki’ak no mukit ohin loron ema maioria asesu ba edukasaun formal no naun-formal atu bele hetan konesementu siensia iha faze de ukun-an ida ne’e. Ho razaun mosu katak komitmentu politikus sira nian sai mos fator determinante ba prosesu dezenvolvimentu nasaun nian atu alkansa moris diak iha prospeitu. Empoderamentu komunidade nudar estratezia dezenvolvimentu, hodi hasa’e kapasidade, iha prespetiva dezenvolvimentu ne’e sira konsiente tanba importante kapasidade ema nian ba esforsu hasa’e moris independente no forsa interna ba iha rekursu materia no naun-materia. Buat hirak ne’e nudar estratezia dezenvolvimentu, agora konseitu empoderamentu mak atividade ida ajuda kliente atu hetan kapasidade nune’e bele foti desizaun no determina desizaun ne’ebe mak hala’o relasaun ho sira nia-an inkluindu hamenus failla individu no sosial wainhira hala’o desizaun liu husi hasa;e abilidade no kredibilidade ka konfiansa atu utilliza kapasidade ne’ebe sira iha ho transfere kapasidade ne’ebe mai husi ambiente keta-ketak maka hanesan organizasaun Naun-Govermental, Ajensia Internasional, estadu no governu tun iha baze hodi fahe imformasaun konaba atu halo transformasaun ne’ebe bele lori mudansa bo’ot ba individu ida-idak iha nia fatin. Nune’e mos iha dalen seluk, empoderammentu ne’e prespetiva husi komunidade ne’e katak fo autoridade/puder ba komunidade sira atu jere mesak fundu/dana dezenvolvimentu tantu mai husi Governu ka husi parte seluk, entaun iha sorin seluk mos sira rasik tenki partisipa ativu iha prosesu selesaun, planeamentu, no hala’o programa. Mesmu konseitu empoderamentu hatudu ba ita hanesan mensiona iha leten maibe iha konseitu fundamentu liu maka hanesan esforsu bo’ot ba planea ne’ebe halo atu muda ka halo buat foun ida ba komunidade husi kondisaun ne’ebe la favoravel sai forsa no iha potensia ba moris independente. Tanba ne’e, espera katak iha konsiensia puder nakonu ba determinasaun futuru sira nian. Agora, sai introgativu bo’ot ba ita hotu; empoderamentu ne’e mai husi ne’ebe?

Atu dehan tan dala ida katak mai husi Estadu ho Governu, Organizasaun Naun-Govermental no parseiru dezenvolvimentu sira ne’ebe iha kbi’it hodi hola pozisaun nudar fasilitador, estimulador no motivador. Kompriende konseitu empoderamentu komunidade: jeralmente ho nia sentidu nudar prosesu ida dezenvolve umanu ka komunidade liu husi hasa’e kualidade no intelektualidade komunidade nian, muda hahalok komunidade no organiza komunidade sira. Ezemplu; Dezenvolve kapasidade komunidade liu husi fo informasaun hanesan oinsa kapasidade atu esforsu buka osan, kapasidade buka informasaun, kapasidade jere atividade, kapasidade ba agrikultura, kapasidade atu komanda no barak tan ne’ebe mak bazeia ba sira nia nesesidade ka problema ne’ebe sira hasoru tanba ne’e mak ita ko’alia sobre muda mentalidade komunidade nian hotu ne’ebe la fo benefisiu ka la aselera moris diak presiza hadia, ida seluk fali organiza komunidade mak esforsu ida husi komunidade atu regula no hadia malu hodi jere atividade ka programa ne’ebe sira atu dezenvolve, iha ne’e mak hamosu ka forma ona komisaun servisu, halo divizaun kna’ar, kontrola malu, planu atividade no seluk tan.

B       Objetivu

1.     

 Atu kolekta informasaun konaba ONG ACF Training Center estabelese Foramasaun ba vulneralvel sira.

2.      Atu hatene volume kualidade no kuantidade ne’ebe sai fator determinante ba prosesu dezenvolvimentu rekursu umanu iha rai laran.

3.      Atu kompriennde multi programa ne’ebe organizasaun sira hala’o hodi fasilita ba komunidade hodi reforsa Estadu no Governu iha area formasaun nian.

4.      Estudante bele kompriende no hatene informasaun konaba kapasitassaun no apoiu umanitariu iha dezenvolvimentu naun-fiziku.

5.      Estudante akumula dadus iha baze atu fortifika teoria iha prosesu appredisazen ne’ebe hala’o iha mundu akademiku ni-nian.

2. Konseitu no Informasaun iha Terenu

A. Konseitu/ Teoria Organizasaun

Tuir matenek nain ALLEN “Organizasaun nudar prosesu identifikasaun ida no harii inklui halo grupu servisu, defini servisu no delega puder tantu responnsabilidade iha servisu hamutuk ho efetivu atu atinze ema nia objetivu”. Konklui katak iha organizasaun nia laran membru hotu iha responsabilidade ba kna’ar sira hodi define servisu hamutuk atu ultra pasa iha prosesu servisu kolektivu ne’e refere ho efetividade.

B. Informasaun iha Terenu-Istoria Organizasaun Naun-Govermental ACF.

Action Change Foundation-ACF nudar training centre/fatin ida ne’ebe mak atu halibur ema joven feto, mane, katuas, ferik no labarik hodi hasa’e kapasidade ba konesementu mundu teknolozia, siensia no informasaun. Agora, ofisialmente sira forma ACF no sentraliza iha Aitarak-Laran-Dili, iha loron 17 Maiu 2010, depois de halo operasaun iha 2007 ho naran “Fundasaun Hafoun Rai Timor (FHRT)” hanesan Organizasaun Naun-Govermental oan ida nia baze iha Dili no Edifisiu Rejional iha Suai-Timor-Leste. ACF funda no maneiza husi grupu ki’ik mesak joven Timor oan ho servisu kolektivu atu hadi’a ema vulnerabilidade sira ne’ebe hela iha tristeza nia laran ba kauza ba konflitu iha nasaun ida ne’e, trauma, edukasaun la seguru no seluk tan.

C. Vizaun no Misaun

Ko’alia kona vizaun, ACF iha vizaun ida ke uniku hanesan;

Vizaun:

1. Hadiak kualidade moris umanu.
2. Harii paz
3. Abilidade ba ema hotu iha Timor Laran tomak.

Misaun:

Bazeia ba misaun ne’ebe mak mensiona katak; “Promove paz liu husi desportu, kria Oportunidade ba foin sa’e sira atu partisipa no asesu kualidade ba ema hotu”.

D. Programa

Liu husi intervista peskizador entre Sr. José de Jesus nudar Fundador/Direitor ba Organizasaun ACF iha loron Segunda, 26 Agostu 2013, oras 14:18 to’o oras 14:43, harii iha tinan 2010 ho nia atividade hanesan iha Distritu Dili, Maliana no Suai esplika konaba tipu formasaun ;

1. Treinamentu Vokasional (Vocational Training);

Ø  Kursu Ingles ( English Course)

Ø  Kursu Portugues (Protugues Course) 

Ø  Kursu Komputador (Computer Course)

Ø  Manajementu Publiku (Public Management)

Ø  IT (Informasaun Tekonolozia).

Ø  Internet Facility.

Ø  Dezain Grafika no Autocad (Grafic Design and Autocad).

2. Desportu ba dame (Sport for Peace).

Iha area desportu ni-nian bai-bain sira hala’o atividade hanesan;

Ø  Jogu bola nudar dalan ba dame

Ø  Atleta ba dame

Ø  Badminton no Muzika

Maibe, iha programa treinammentu vokasional, sira klasifika buat tolu ba formasaun ingles no Portugues ne’e mak; fo kursu baziku, pre- intermediatu no intermediatu hodi hasa’e kualidade iha area lingua nian ba ema hotu ne’ebe nudar estudante no hamahon-an iha Organizasaun ACF nia okos tanba lian ingles no Portugues  hanesan lian mundu internasional no fator determinante ba ema hotu atu halo komunikasaun ho ema internasionais nune’e mos Timor-Leste nudar nasaun independente ida presiza hasa’e rekursu umanu hodi garante ba ita nia relasaun bilaterais, internasionais tantu iha Organizasaun Internasional ONU, iha organizasaun internsional CPLP no nasaun seluk iha mundu atu bele fasil liu halo komunikasaun internasaun. Iha kursu komputador; Ms. Word, Excel, Power Point no Publisher. Konaba manajementu publiku; oinsa atu hala’o servisu administrasaun, finansa, Formasaun lideransa/Leadership training. Programa ida ne’e uniku tanba ami nian estudante sei liu husi prosesu fulan 2 iha kampo hodi halo pratika wainhira hetan teoria iha treinamentu fatin no ba iha; Instituisaun Governu, Ajensia Internasional, ONG Lokal no seluk ne’ebe relasiona ho ACF ni-nian Programa/area. Kursu iha area Informasaun Teknolozia’ iha organizasaun ACF sira estabelese oportunidade ba foin sa’e sira atu kapasita-an iha sistema Sofware, sistema Hardware, no sistema Networking oinsa hadia Komputador, Monta Sistema servisu Networking.

Programa desportu ba dame iha Organizasaun refere mak ACF training center servisu ho dame no Monaco desportu, Peace afund GIZ-TL. Implementa programa desportu ba paz ho objetivu atu promove paz liu husi atividade desportu hanesan joogu Football, Badminton, Volley ball, Ping-Pong no iha arte mak muzika. Entaun liu husi desportu ne’e labarik ho joven sir abele pratika toleransia, disiplina, respeita, edukasaun paz no moral husi treinador sira.

E. Susesu no Iha Kualidade

Iha ACF training center tuir Sr. José de Jesus, pozisaun nudar Direitor/Fundador ko’alia konaba kualidade no susesu ba kuantidade husi ema hirak ne’e  atinze 70% hetan valor diak depois de tuir tiha formasaun ba teoria iha klase no wainhira estudante sira marka prezensa iha kampo/baze hodi pratika durante fulan rua nia laran li-liu maka iha area Manajementu Publiku (Public Management) no Informatika Teknolozia (IT), ikluindu sira ne’ebe mak hetan prestasaun diak ema uza sira iha; Instituisaun Governu nian, Ajensia Internasional, NGO Lokal no Internasional tuir sira nia konesementu. Iha ACF Training Center mos fo oportunidade no suporta ba sira nia membru/Staff sira ba rai liur hodi hasa’e kapasidade iha area hirak ne’ebe mak mensional iha leten hanesan iha nasaun Indonesia, Portugal, Japaun no Korea.  Entaun, Direitor ne’e mos, sublina katak empodermentu nudar parte integradu iha nasaun foun ida ne’e oinsa atu duni dezenvolvimentu rekursu umanu ne’ebe mukit no bele atinze objetivu kompara nasaun sub-dezenvolvidu no avansadu sira iha mundu.

Bazeia ba informasaun sira iha terenu konaba empowering “empodermentu” ne’e hanesan mekanismu ne’ebe dezenvolve emar sira liu husi hasa’e kapasidade komunidade nian, halo mudansa lalaok komunidade nian no komunidade sira organiza-an buat ida ne’e fundamentu liu iha prosesu kapasitasaun ne’e tanba kapasidade atu esforsu mesak, iha kapasidade mos atu hala’o servis.

3. Konkluzaun

Empoderamentu nudar meus ida atu apoiu ba sosiedade oinsa hetan konesementu ba informasaun ruma ne’ebe sai mos alternativa ida  iha prosesu dezenvolvimentu iha Timor-Leste tanba ne’e, wainhira ita ko’alia kona konseitu empoderamentu hanesan parte esforsu ida hodi fo biban ba iha  komunidade hodi hakbi’it-an, komunidade hanesan komponente ida iha kontestu nasaun nian, no sosiedade ida ne’ebe mak halibur-an iha fatin (Ambiente) ida ho sira nia lisan ka kultura oi-oin, transformasaun hanesan mudansa karakteristiku husi kondisaun ne’ebe mak a’at sai ba diak, no sosial nudar relasaun entre ema umanu ne’ebe mak iha nia karakteristiku gosta ajuda malu iha sosiedade ida, lisan ida no seluk tan. Empoderamentu komunidade no transformasaun sosial mak nudar esforsu ida hodi fo influensia ba ema/komunidade atu hakbi’it-an rasik iha prosesu transformasaun mentalidade ne’ebe mak mai ho karakteristiku/lisan oin-oin iha emvairomentu ida hodi kontribui ba dezenvolvimentu rai laran tantu hare husi multiseitor sira; ekonomia, politika, justisa, jestaun ne’ebe interesante ho nesesidade moris iha fatin ida. Organizasaun nudar prosesu identifikasaun ida no harii inklui halo grupu servisu, defini servisu no delega puder tantu responnsabilidade iha servisu hamutuk ho efetivu atu atinze ema nia objetivu”. Konklui katak iha organizasaun nia laran membru hotu iha responsabilidade ba kna’ar sira hodi define servisu hamutuk atu ultra pasa iha prosesu servisu kolektivu ne’e refere ho efetividade. (1). Treinamentu Vokasional (Vocational Training); Kursu Ingles           (English Course), Kursu Portugues (Protugues Course), Kursu Komputador (Computer Course), Manajementu Publiku (Public Management), IT (Informasaun Tekonolozia), Internet Facility, Dezain Grafika no Autocad (Grafic Design and Autocad). (2). Desportu ba dame (Sport for Peace); hanesan; Jogu bola nudar dalan ba dame, Atleta ba dame, Badminton no Muzika. kualidade no susesu kuantidade husi ema hirak ne’e  atinze 70% ona hetan valor diak depois de tuir tiha formasaun ba teoria iha klase no wainhira estudante sira marka prezensa iha kampo/baze hodi pratika durante fulan rua nia laran li-liu maka iha area Manajementu Publiku (Public Management) no Informasaun Teknolozia (IT).

 

Referensia

1        José de Jesus, Istoria ACF, Implementasaun programa ba ema Vulneravel no susesu iha kualidade, iha Aitarak-Laran, Dili Timor Leste, ACF, Dili-Timor-Leste ,iha loron Segunda, 26 Agostu 2013, oras 14:18 to’o oras 14:43.

2        http//www.google.com/http://kampus.blogspot.com/2012/03/ciri-ciri-organisasi-sosial_31.html,untl-faspol internet.