-
DEFINISAUN
Iha ne’e hakerek nain sei fo definisaun nato’on konaba
konseitu sosiedade sivil mak hanesan, ema sira ne’ebe mak moris ho organizadu, sira nia karakteristiku servisu
hamutuk ho maluk sira seluk, iha grupu, iha servisu voluntariu, iha mos valores-valores
kultura, regra-regra sira ne’ebe iha no buat seluk tan. Maibe sosiedade sivil
ne’e rasik ita labele mal interpretasaun ho sosiedade militar sira iha
instituisaun forsa defesa ho seguransa iha nasaun ida nia laran. Iha parte
seluk sosiedade sivil ne’e katak sosiedade ida ne’ebe mak ema bolu sosiedade
jeral (Masyarakat umum), sosiedade sivil ne’e inklui organizasaun arte marsiais,
organizasaun non-Govermental, ONG internasional, ONG nasional, universidade,
klubu, no militar ne’ebe mak uluk iha ai-laran halo funu gerilha hasoru inimigu
sira mak hanesan maluk sira uluk iha ai-laran no rai timor hetan
independensia ukun rasik-an i falintil sira mai iha vila hodi halo transformasaun
falintil ba forsa defesa timor lorosae (F-FDTL)
maibe ikus mai iha balu sai fali vida sivil nune’e hirak ne’e mak ita
bolu dehan sosiedade sivil no seluk tan. Depois, iha parte ida ne’e hare husi
dezenvolvimentu hanesan makina ka sabi importante atu minimiza problema ne’ebe mak komunidade
sira hetan atu kria buat foun no halo transformasaun kondisaun ne’ebe mak a’at
sai fali kondisaun ne’ebe mak diak ba sosiedade ne’e rasik, i nune’e mos
sosiedade sivil sira dezenvolve sira nia moris nudar vida sivil hanesan buat hirak ne’ebe mak
mensiona iha leten.
Historia umana
nian iha mundu dala barak nakonu ho ran. komesa husi uluk tempo romanu (jaman
Romawi) nian kedas, funu sempre akontese iha fatin oi-oin ho razaun oi-oin.
Tamba hadau malu rai, ambisaun atu ukun rai seluk hodi halo invazaun ba rai
seluk, marginaliza povo rai na’in (pribumi) no historia seluk tan. Tama iha
fase kolonializasaun, nasaun
Europeia sira halo invazaun ba rai seluk hodi okupa rai seluk, oho ema, kastigo
ema, domina ema nia riku soi, estraga meio ambiente, no formas seluk tan. Buat
sira ne’e sei kontinua to’o agora, maski iha formas oi-oin. Sekulu 20
komesa fali ho funu boot iha europeia nebe ema hanaran Guerra Mundial I (Perang Dunia I),
no tuir fali kedas ho Guerra Mundial II (Perang Dunia II). Funu sira ne’e
hamate ema to’o miliaun ba miliaun. Depois ne’e tama fali ho Guerra Fria
(Perang Dingin / Cold War) durante tinan hatnulu resin lima. Implikasaun hosi ne’e mak funu iha
Vietnam, funu iha Peninsula Korea, funu iha Afghanistaun, invasaun ba
Timor-Leste no konflito internal iha rai seluk nebe mos hanesan konsekuensia
hosi ambisaun nasaun boot sira atu domina mundu, ekonomikamente no politikamente
nafatin, ema miliaun ba miliaun mak mate, e barak liu, povo ki’ik nebe la iha kilat,
la iha interese politiku i la ambisaun
boot ruma. Maski Guerra Fria hotu ona iha tinan 1989, maibe ne’e la
signifika katak ran sei la nakfakar tan. Ita asisti konflito iha Regiaun
Africa, iha Medio Oriente, iha Regiaun Asia (kazu Aceh, Papua, Moro) no seluk
tan. Lor-loron ema mate, tan kilat musan, tan hamlaha, no realidade seluk tan.
Los duni, buat nebe Thomas Hobbes hateten katak Ema sei sai asu fuik ba nia maluk,
akontese duni iha historia umana nian. Ema gosta liu atu uza osan biliaun ba
biliaun dollar lori sosa kilat, duke lori dezenvolve povo nia moris, atu lori
fo edukasaun ba ema kiak, atu lori hola aimoruk ba ema nebe moras, ou atu
rezolve problema sosiais sira seluk. I nasaun boot sira halo buat sira ne’e atu
lori atinzi sira nia interese (nebe iha estudu relasoens internasionais ema
bolu Interese Nasional / National Interest). Globalizasaun maski halo mundu
ne’e sai klo’ot hanesan suku ida tiha (the global village), no interaksaun
entre nasaun ho nasaun, povo ho povo fasil liu, maibe ema nia solidaridade, ema
nia sensibildade hetok menus liu tan. Buat nebe mosu mak Egoista,
individualista, matan sai delek tiha atu hare realidade iha rai seluk, no tilun
sai diuk tiha atu rona halerik hosi rai seluk no kilat tarutu iha nia sorin.
Saida mak mundu Internasional halo atu lori prevene hahalok no attitude sira
ne’e. Depois de Guerra Mundial I, ema hari organizasaun mundial Liga
Bangsa-Bangsa (LBB).
Maibe nia falha no ikus mai mosu Guerra Mundial II. Depois ne’e mosu
Organizasaun Nasoens Unidas (ONU) nebe agora nia membro 191. Mosu mos
konvensoens, Deklarasaun, Agrementu no lei seluk tan. Mosu Organizasaun
Non-Govermental oi-oin, mosu organizasuan kooperasaun entre nasaun ho nasaun
oi-oin. Buat sira ne’e, se ita hare jeralmente, hanesan meios ida atu prevene
konflito ho aprosimasaun ida-idak nian, no ikus liu atu fo justisa ba vitima
sira. Maibe ikus mai ita presisa hamosu pergunta reflektiva ida,
“Justisa ne’e iha duni ou la iha. Depende ida-idak nian perspektiva no pozisaun
sosial, ekonomiku no politika. Maibe hanesan ema nebe honesto, ha’u hanoin
katak ita hotu tenki hateten katak, seidauk iha justisa ida ba vitima sira nebe
sai vitima durante historia umana nebe nakonu ho ran ne’e. Timor
mos hanesan parte ki’ik-oan ida hosi historia ne’e. Ita sai vitima tamba hetan
kolonizasaun hosi Portugues. Ita sai vitima iha Segundu Guerra Mundial wainhira
Japaun tama iha ne’e. Ita sai vitima wainhira Portugal husik ita ho ita nia
futuru nebe la klaru. Ita sai vitima tamba interese Partido Politiku sira nian
nebe la iha maturidade Politika iha tinan 1975. Ita sai vitima durante
Indonezia halo invasaun no okupa ita nia rain. No agora dadaun ita karik iha
prosesu atu sai tan vitima ba interese nasaun nian nebe dala ruma la’os
interese povo nian, maibe interese elit sira nian no nasaun boot sira nian.
Koalia kona ba Justsca iha Timor Leste, ne’e assuntu ida nebe komplesu no
difisil. komplesu tamba assuntu ne’e involve autores barak, inklui nasaun boot
sira, tamba interese oi-oin. Difisil tamba konstelasaun politika global nian
nebe difisil no mudansa agenda nasaun boot sira iha mundu. Maibe koalia kona ba
justisa lolos, dala ruma ita tenki tau ba kotuk ita nia interese, maibe
kosiensia moral mak tenki tau iha oin. Se ita fila-fali ba situasaun astual iha
rai laran, assuntu kona ba justisa manas fali, wainhira, Presidente da
Republika, Sr. Xanana Gusmao koko atu muda rekomendasoens balu nebe
komissaun Akolhmenetu Verdade e Reconsiliasaun hato’o hanesan mandatu nebe
komissaun ne’e tau iha nia kabas no iha baze legal nebe forte. Buat ne’e hamosu
fila-fali debate iha rai laran no hetan reasaun maka’as hosi Organizasaun sira
nebe durante ne’e fo apoia ba luta Timor-Leste nian. Debate ne’e ita bele hare
no halo klo’ot iha buat ida. Perspektiva ba Justisa. Hosi Sosiedade sivil nebe
representa hosi ONG sira, hare justisa ba oin depende mos ba historia passado
nian, mos justisa iha kontesto global. Katak, ita bele hari’i justisa iha
futuru, wainhira iha justisa ba prosesu sira iha passado. No iha kontestu
global, luta ba justisa iha Timor-Leste la’os de’it atu fo justisa ba vitima
sira iha Timor-Leste maibe atu hakotu impunidade iha rai seluk. Ho esperansa
ida katak, bele hamenus (se la bele halakon) violasaun direitus humanus iha rai
seluk, inklui iha Indonesia
(hanesan kazu Aceh no Papua). Iha parte seluk, Presidente da Republika, hare
justisa liu ba oin iha prosesu dezenvolvementu nian. Ita hare lider balu
esplikasaun katak iha sanksaun ida katak, justisa hosi aspetu legal nian liu
hosi tribunal ruma sei la rezolve problema sira iha rai laran kompleksu no
defisil.
C. REFLESAUN BA JUSTISA
Primeiro, Bazeia ba historia umana nian nebe nakonu ho ran, ha’u
hanoin hanesan ema, ita mos presisa fo kontribuisaun ruma maski ki’ik atu
hamenus situasaun ne’e. No luta ba justisa liu hosi prosesu legal hanesan parte
ida atu hamenus situasaun ne’e. Ho nune’e ita bele haforsa liu tan orgaun
formal sira nebe durante ne’e hala’o sira nia knar atu fo justisa no atu kria
paz no estabilidade iha mundu. Wainhira ita nonok, indireitamente, ita legitima
ona situasaun ne’e, i a’at liu tan, ita fo legitimadade ba violasaun direitus
umanus iha Timor-Leste.
Segundu, Wainhira koalia kona ba paz no stabilidade, ita presisa
hare hosi kotuk. Wainhira la iha justisa ba krime, ne’e sei iha impakto ba buat
ida nebe ema bolu Main
hakim sendiri, tamba ema la fiar ona lei. Ne’e katak sei laiha paz
no sei laiha stabilidade. Wainhira laiha paz no stabilidade, impossible atu
halo dezenvolvementu nebe justu. No ikus mai, nafatin injustisa sei mosu.
Terseiru, Wainhira la iha justisa hosi aspetu legal nian, iha
impaktu mos ba Law
Enforcement iha Timor Leste. Ita komeca minimiza ona lei nia papel
iha vida nasaun nian, no ita komesa tau statementu politiku hanesan lei. No
ne’e iha perigozu
boot ba futuru vida demokrasia iha nasaun ne’e. ba oin ita sei hare katak termo
ida nebe ita nia ulun boot sira sempre uza katak O Estado do Direito sei sai
hanesan rhetorika ida de’it, maibe nunca implementa.
D. DEZENVOLVEMENTU
NO KONFLITU SOSIAL
Desenvolvemento
tenki sai hanesan meios ou maneira ida atu lori Prevene konflitu iha rai
laran.” Ne’e tenki sai hanesan ideias basiku no prinsipiu ida iha prosesu
Desenvolvemento Timor Leste. Ideias ne’e bazeia ba realidade no esperiensia iha
nasaun barak nebe, prosesu Desenvolvemento bele kria konflitu iha rai laran.
Ideias basika ne’e, hamosu perguntas bara-barak iha ita nia ulun. Saida
mak konflitu? konflito saida de’it mak mosu iha rai laran? Tamba saida mosu
konflitu? No prosesu desenvolvemento oinsa mak bele hamenus konflitu iha rai
laran? Wainhira ita koalia konaba konflitu, ema barak mak hanoin katak,
konflitu ne’e mosu wainhira iha Violensia ka ran nakfakar. Se ita hare tuir ema
matenek na’in sira iha area konflitu nian, liliu sira nebe servsu iha area
Rezolusaun konflitu, konflitu ne’e mosu wainhira, ema ka grupu rua ou liu nebe
iha ideias no perspektiva la hanesan kona ba problema balu, ka differensia
maneira atu to’o ba Objetivu ida ka kontradisaun iha objetivu. Baseia ba ne’e,
konflitu hanesan situasaun no realidade nebe normal iha sosiedade, no ita
la bele nega. Iha familia laran, iha fatin servisu, iha eskola, sempre iha
konflitu. Iha nasaun demokrasia, hanesan Timor Leste, no rai seluk tan,
konflitu sempre mosu no sei mosu bebeik durante ita nia moris. Wainhira ema
na’in rua komesa halo relasaun, iha oras ne’e mos, iha possibilidade atu mosu
konflitu ka differensia ideias. Iha Timor Leste, ita la bele nega katak iha
konflitu. Konflitu entre partido politikus sira nebe akontese iha tinan 1974,
no akontese violensia nebe maka’as, no ema barak mak mate. Konflitu ne’e
kontinua durante Okupasaun Indonesia.
Iha prosesu luta mos, akontese konflituiha organizasaun hanesan FALINTIL nia
laran, ba prosesu sira nebe liu tiha ona. Iha tinan 1999, mosu mos
konflitu boot ida nebe lori ita ba situasaun violensia no bolu komunidade
internasional ninia atensaun no solidaridade. Agora, dadaun mos mosu konflitu
barak. konflitu entre Hirarkia Igreja ho Governo kona ba problema Religiaun,
koflitu entre Governo ho Partido Oposisaun sira iha prosesu Dezenvolvemento,
konflitu entre Artes Marsiais sira nebe akontese bebeik, no dala ruma mos mosu
konflitu entre institusan sira hanesan PNTL ho F-FDTL. Bazeia ba konseitu iha
leten, ita la bele nega duni katak iha konflitu iha rai laran, ne’e situasaun
nebe normal no realidade social nebe ita tenki simu. Problema mak oinsa ita
hare konflitu, oinsa ita maneza konflitu, no oinsa ita transforma konflitu bele
sai hanesan lisaun ba ita iha prosesu dezenvolvemento. Iha ne’e mak ema barak
falha no to’o ikus konflitu ideias ka differensa ideias lori ba situasaun
violensia ka konfrontasaun. Iha teoria-teoria sira nebe koalia kona ba konflitu,
hare katak, konflitu mosu tamba fatores oi-oin hanesan : La iha komunikasaun,
konflitu bele mosu tamba la bele responde nesesidade povo nian (Nesesidade
psikologia no Phisica),konflitu mos bele mosu tamba ema ka grupo ida
sente katak sira nia identidade atu lakon tiha iha sociedade ida nia laran, ou
tamba problema historia nebe laiha transparancia ka la resolve ho didiák, no
mos conflito bele mosu tamba meios da communicasaun nebe la hanesan ou la apar
ba malu. Geralmente, Conflito sei mosu wainhira, contradisaun interese iha
sociedade nia laran. Conflito mos mosu tamba laiha balanco hosi aspecto social,
economico no polictico iha rai laran. Iha nasaun-nasuan terseiro mundu, hanesan
nasuan sira iha Asia Pacifico, mosu konflito barak, ho ninia razaun oi-oin.
La’os de’it tamba factores sira iha leten, maibe mos tamba intervensaun
terceira parte (Pihak Ketiga), hanesan nasaun-nasaun boot sira atu lori bele
alcansa sira nia interese. No mos bele tamba historia durante phase
colonizasaun. No conflito sira neé toó agora tamba laiha metode atu halaó
managemento nebe di’ak, ka atu resolve, entaun, conflito sira nia lori ona ba
situasaun Violencia, ema barak mak mate no cria situasaun nebe la di’ak.
Fila-fali ba realidade ita nian katak, Timor Leste, iha conflito barak.
Problema mak ne’e; Metode ka maneira ida nebe mak ita bele uza hanesan dalan
atu resolve no manege conflito sira ne’e? Atu resolve kada konflitu, depende ba
tipu konflitu, ninia historia, ninia objetivu, no buat seluk tan.
E. DESENVOLVEMENTO SAI HANESAN METODO
Dezenvolvemento
tenki sai hanesan metodo ida atu bele hamenus ka resolve konflitu iha rai
laran. Atu to’o ba ne’e, importante mak Dezenvolvemento tenki kria justisa
Sosial, katak Desenvolvemento tenki lori tranformasaun ba ema hotu-hotu nia
moris, la’os ema ida rua ka grupo ida rua de’it. Wainhira, Desenvolvemento atu
hariku tan de’it ema nebe riku no hakiak tan de’it ema barak nebe kiak, entaun
Dezenvolvemento la bele kria justisa sosial. Dezenvolvemento kria tiha
imbalanco iha sosiedade nia laran. Imbalanco social ita bele hare wainhira, iha
ema balu nebe riku, iha poder, iha asesu ba foti desizaun, no iha ema barak
nebe kiak, laiha kondisaun para atu hetan asesu ba edukasaun, saude, no
politiko. Tamba laiha balansu, entaun, ema id-idak hare problema tuir ninia
pozisaun, tuir ninia interese, tuir ninia nesesidade. Ema riku hare tuir ninia
status sosial, katak buat ne’e bele lori benefisiu ba ninia interese ka lae.
Ema kiak nia hare liu ba oinsa atu buka hahan bikan ida ba ninia moris
lor-loron nian. Entaun iha kontradisaun sosial, no wainhira kontradisaun ne’e
la buka dalam didi’ak atu prevene, entaun konfrontasaun aberta sei mosu no
hamosu krize. Liafuan Chave mak ne’e, Dezenvolvemento tenki iha justisa sosial.
Katak Dezenvolvemento tenki halakon imbalanco no kria balansu iha sosiedade
hosi aspeitu ekonomia, sosial, no politiku. Atu bele iha justisa sosial, tenki
iha mekanismu nebe justu kona ba distribusan rekursu nebe iha. Injustisa sosial
mosu tamba laiha mekanismu nebe justu atu distribui rekursu nebe iha. Ne’e
depende ba sistema nebe iha. Dala barak, tamba mekanismu distribusaun nebe la
di’ak, entaun dezenvolvemento atu haforsa tan de’it ema nebe forsa tiha ona no
marginaliza tan ema nebe la iha poder. Atu iha Justisa sosial, dezenvolvemento
tenki haforca ema nebe la iha forcs, ekonomikamente, no politikamente. Prosesu
Dezenvolvemento mos tenki iha prinsipiu partisipativo. Katak, grupo iha
sociedade nebe heterogen, prosesu Dezenvolvemento tenki rona mos ema ka grupu
hot-hotu ninia ideias. Wainhira, dezenvolvemento atu responde de’it grupo ida
ninia necesidade ka interese, no marginaliza tiha grupo ida, entaun
indireitamente, prosesu ne’e cria tiha ona konflitu. Tamba grupo nebe hetan
marginalizasaun sente la satisfeito, no sira bele sente katak, sira nia
identidade, sira nia interese la hetan atensaun iha nasauna ka sociedade nia
laran. Tamba ida ne’e, partisipasaun ema ka grupu hot-hotu nian iha prosesu
dezenvolvemento importante, atu rona ema hotu ninia hanoin-ninia interese, no
ninia nesesidade. No kontradisaun interese no nesesidade tenki tetu halo
didi’ak molok atu foti desizaun ruma iha prosesu Dezenvolvemento. Partisipativu
la’os de’it atu lori hateten katak prosesu ne’e demokratika, maibe mos hanesan
meios ida atu ema bele desidi rasik ninia moris no mos ninia futuru. Hanesan
ema, partisipativu mos importante hanesan meios ida atu ekspressa-an iha
sosiedade nia laran no iha vida politika nia laran. Bazeia mos ba rezaun ida
katak konflitu bele mosu wainhira la dun iha komunikasaun, entaun, transparansia
mos tenki sai hanesan prinsipiu ida iha prosesu dezenvolvemento. Katak,
sosiedade tenki hatene informasaun kona ba prosesu nebe la’o. Wainhira laiha
komunikasaun, entaun bele mosu asumsaun no persepsaun nebe karik sala, no to’o
ikus bele kria konflitu ne’ebe maka’as. Entaun, tenki iha ponte ka dalan ida
atu bele fahe informasaun ba sosiedade kona ba prosesu nebe la’o ona, saida mak
sei hala’o hela no difikuldade ne’ebe mak ita enfrenta hela dadaun. Se ita hare
realidade no prosesu sira nebe agora la’o, entaun Dezenvolvemento seidauk
hala’o ho justu, ka participativu. Involvemento institusan internasional sira,
ho sira nia sistema, barak liu marginaliza tiha povu lokal. Tamba laiha
desentralizasaun, entaun, povu iha area rural la iha partisipasaun.
Dezenvolvemento agora, sei kria injustisa sosial, katak hariku ema nebe riku no
halo kiak ema nebe kiak. Sentraliza dezenvolvemento iha Dili, ninia implikasaun
mak dezenvolvemento iha Dili la’o, no iha area-area rural la la’o. Mais maioria
povu Timor Leste moris iha foho. Entaun povu hosi foho halai hotu mai Dili no
kria buat ida nebe ema bolu urbanizasaun. No ita hare, Dili sai tiha ona fatin nebe la
seguru, tamba tensaunkonflitu maka’as. Tamba la dun iha transparansia, entaun
Povu agora konfuzaun ho prosesu sira ne’e. Tamba la hatene, povo la hatene
difficuldade saida mak Governo hetan, oinsa Governo ninia papel, Agencia
Dezenvolvemento Nasional nia papel, NGO nia papel, no institusan seluk tan.
Buat hotu, Povo hanoin Governo mak halo, tamba la iha transparansia, ka informasaun
nebe ladun klaro ba Povu. Ho idealismo nebe iha, no realidade nebe ita hasoru
dadaun, ita bele hare katak iha iha situasaun dilematiku ida. Iha sorin, ita
koalia kona ba vizaun nasaun ida ne’e nian katak atu hamenus kiak, atu cria
justica social. Maibe iha parte seluk, ita kria hela dadaun injustisa sosial.
Dala ida tan, wainhira, Dezenvolvementu kria injustisa sosial, entaun
dezenvolvemento kria konflitu sosial. Wainhira Dezenvolvemento kria justisa sosial,
ne’e katak Dezenvolvemento ne’e sei kria situasaun nebe dame, no bele sai dalan
ida atu prevene konflitu sira nebe mosu iha rai laran.
F. KONKLUZAUN
Sosiedade
sivil ema ne’ebe moris organizadu iha sira nia vida moris nudar ema umana iha
nasaun ida, iha konkluzaun ida ne’e koalia konaba luta ba Justisa, ne’e hanesan
responsabilidade ema hotu nian iha nebe de’it. Reflesaun Ba Justisa Bazeia ba
historia umana nian nebe nakonu ho ran, ha’u hanoin hanesan ema presisa fo
kontribuisaun ruma maski ki’ik atu hamenus situasaun ne’e. No luta ba justisa
liu hosi prosesu legal hanesan parte ida atu hamenus situasaun ne’e. Ho nune’e
ita bele haforsa liu tan orgaun formal sira nebe durante ne’e hala’o sira nia
knar atu fo justisa no atu kria paz no estabilidade iha mundu. Paz no
stabilidade, ita presisa hare hosi kotuk. Wainhira la iha justisa ba krime,
ne’e sei iha impakto ba buat ida nebe ema bolu (Main hakim
sendiri), tamba ema la fiar ona lei. Ne’e katak sei laiha paz no
stabilidade, entaun imposibel atu halo dezenvolvementu nebe justu no ikus mai
injustisa sei mosu. Wainhira la iha justisa hosi aspetu legal nian, iha impaktu
mos ba lei obrigatoriu (Law Enforcement) iha Timor Leste. Ita komesa minimiza ona
lei nia papel iha vida nasaun nian, no ita komesa tau statementu politiku
hanesan lei. No ne’e iha perigozu boot ba futuru vida demokrasia iha nasaun ne’e.
han. Dezenvolvemento tenki sai hanesan meios ou maneira ida atu lori Prevene
konflitu iha rai laran, ne’e ideias basiku no prinsipiu ida iha prosesu dezenvolvemento
nasuan. Ne’e bazeia ba realidade no esperiensia iha nasaun barak nebe iha,
prosesu Desenvolvemento bele kria konflitu Wainhira ita koalia konaba
konflitu, ema barak mak hanoin katak, konflitu ne’e mosu wainhira iha Violensia
ka ran nakfakar. liliu sira nebe servisu iha area Rezolusaun konflitu, konflitu
ne’e mosu wainhira, ema ka grupu rua ou liu nebe iha ideias no perspektiva la
hanesan kona ba problema balu, ka diferensia maneira atu to’o ba objetivu ida
ka kontradisaun iha objetivu, entaun konflitu hanesan situasaun no realidade
nebe normal iha sosiedade, no ita la bele nega. Iha familia laran, iha fatin
servisu, iha eskola, sempre iha konflitu. Iha nasaun demokrasia, hanesan Timor
Leste, no rai seluk tan, konflitu sempre mosu no sei mosu bebeik durante ita
moris. Koalia kona ba Justisa iha Timor Leste, ne’e assuntu ida nebe komplesu
no difisil. komplesu tamba assuntu ne’e involve autores barak, inklui nasaun
boot sira, tamba interese oi-oin maibe Luta ba justica la’os de’it atu hatama iha
tribunal, ninia reflesaun global no ba vida nasaun nian hanesan nasaun demokratika.
Dezenvolvemento tenki sai hanesan metodo ida atu hamenus konflitu.Importante
mak Dezenvolvemento tenki kria justisa Sosial, katak Desenvolvemento tenki lori
tranformasaun vida nasaun, la’os ema ida rua ka grupo ida rua de’it. Wainhira,
Desenvolvemento atu hariku tan de’it ema nebe riku no hakiak tan de’it ema
barak nebe kiak, entaun iha ne’e mosu injustisa sosial. Dezenvolvemento kria
tiha imbalanco iha sosiedade nia laran. Imbalanco sosial ita bele hare wainhira,
iha ema balu nebe riku, iha poder, iha asesu ba desizaun, no iha ema barak nebe
kiak, laiha kondisaun para atu hetan asesu ba edukasaun, saude, no politiko.
Tamba laiha balansu, entaun, ema ida-idak hare problema tuir ninia pozisaun,
tuir ninia interese, tuir ninia nesesidade,
G. REFERENSIA
1.
Http/www.google.com/NGO
LUTA HAMUTUK/Gueteriano Nikolau, Diariu edisaun 2005, Seitor
privado nudar dalan ba dezenvolvemento luta ba justisa haknar’an
/ iha institusaun la’o hamutuk,
2. Http/www.google.com/NGO LUTA HAMUTUK/Guteriano Nicolau, Dezenvolvementu
no konflitu social,/
servico iha institusan la’o hamutuk.
Tidak ada komentar:
Posting Komentar